లస్మన్నపల్లిలో ఇందిరమ్మ బీమా నమోదు ప్రారంభం
సూర్య సైదాపూర్: మండలంలోని లస్మన్నపల్లి గ్రామపంచాయతీ కార్యాలయం వద్ద ఇందిరమ్మ కుటుంబ జీవిత బీమా నమోదు ప్రక్రియ ప్రారంభమైంది. 18 నుంచి 59 ఏళ్లలోపు వయసు, రేషన్ కార్డు ఉన్నవారు అర్హులని, ప్రతి కుటుంబానికి రూ.5 లక్షల బీమా వర్తిస్తుందని అధికారులు తెలిపారు. ఇతర ప్రాంతాల్లో ఉన్నవారు కుటుంబ సభ్యుల ద్వారా నమోదు చేసుకోవాలని సర్పంచ్ మ్యాకల స్వప్న సూచించారు. పార్టీలకు అతీతంగా గ్రామంలోని అర్హులందరూ బీమా చేసుకునేలా సహకరించాలని కోరారు. కార్యక్రమంలో కార్యదర్శి రాజేందర్, వార్డు సభ్యులు యాదగిరి, మమత, మ్యాదరి స్వరూప, మహిళలు పాల్గొన్నారు.