కొల్చారం బీసీ హాస్టల్‌లో ఘనంగా బాలల దినోత్సవ వేడుకలు
కొల్చారం;భారతదేశ తొలి ప్రధానమంత్రి పండిట్ జవహర్‌లాల్ నెహ్రూ జయంతిని పురస్కరించుకుని ప్రతి సంవత్సరం నవంబర్ 14న బాలల దినోత్సవాన్ని జరుపుకుంటారు. పిల్లలంటే ఎంతో ఇష్టపడే నెహ్రూను చిన్నారులు ప్రేమగా 'చాచా నెహ్రూ' అని పిలుచుకునేవారు. ఈ సందర్భంగా నాయకులు, రాజకీయ ప్రముఖులు చిన్నారులకు బాలల దినోత్సవ శుభాకాంక్షలు తెలియజేస్తూ నేటి బాలలే రేపటి పౌరులని గుర్తుచేశారు.మెదక్ జిల్లా కొల్చారం మండల కేంద్రంలోని బీసీ బాలుర హాస్టల్‌లో బాలల దినోత్సవ వేడుకలను ఘనంగా నిర్వహించారు. గ్రామ సర్పంచ్ దేవన్నగారి శేఖర్ ఆధ్వర్యంలో నిర్వహించిన ఈ కార్యక్రమంలో హాస్టల్ విద్యార్థులకు అరటిపండ్లు పంపిణీ చేశారు.ఈ సందర్భంగా సర్పంచ్ శేఖర్ మాట్లాడుతూ విద్యార్థులు కష్టపడి చదువుకొని మంచి విద్యను అభ్యసిస్తూ ఉన్నత శిఖరాలను అధిరోహించాలని సూచించారు. ప్రతి విద్యార్థి తనకంటూ ఒక లక్ష్యాన్ని నిర్దేశించుకుని క్రమశిక్షణ, పట్టుదలతో ముందుకు సాగాలని ఆకాంక్షించారు. విద్యార్థుల భవిష్యత్తుకు విద్య ఎంతో కీలకమని పేర్కొన్నారు.ఈ కార్యక్రమంలో ఉపసర్పంచ్ కోరపల్లి రాణి గోపి, పంచాయతీ కార్యదర్శి ప్రశాంత్, వార్డు సభ్యులు వనమాల రాణి, శ్రీధర్, నేరెళ్ల సత్యనారాయణ, కారోబార్ వడ్ల ప్రభాకర్, సురేష్, అలీ తదితరులు పాల్గొన్నారు.
