కొడకండ్ల ప్రెస్ క్లబ్ కు నూతన కార్యవర్గం

అధ్యక్షుడిగా నేతి ఉపేందర్

కొడకండ్ల ప్రతినిధి

కొడకండ్ల ప్రెస్ క్లబ్ నూతన కార్యవర్గాన్ని ఏకగ్రీవంగా ఎన్నుకున్నారు. జర్నలిస్టుల ఐక్యత, వృత్తి విలువల పరిరక్షణ, ప్రజా సమస్యలను సమాజం దృష్టికి తీసుకెళ్లే దిశగా ప్రెస్ క్లబ్ మరింత సమర్థవంతంగా పనిచేయాలని నూతన కార్యవర్గం సంకల్పించింది.

నూతన కార్యవర్గంలో అధ్యక్షుడిగా నేతి ఉపేందర్, గౌరవ అధ్యక్షుడిగా వెంకన్న శర్మ, ప్రధాన కార్యదర్శిగా ధారవత్ అశోక్ నాయక్, ఉపాధ్యక్షుడిగా రెహమాన్, కోశాధికారిగా శ్రీనివాస్, సహాయక కార్యదర్శిగా విరదాసు నవీన్ కుమార్ ఎన్నికయ్యారు.

సలహాదారులుగా..

ప్రెస్ క్లబ్‌కు సలహాదారులుగా నర్మేట శేఖర్, ఏ. కృష్ణ శర్మ, పి. దక్షిణామూర్తి, బాల్నే వెంకన్న, దండేపల్లి శ్రీనివాస్, ఎం. సోమేశ్వర్, డి. నాగరాజు, వి. రఘునందన్, పొన్నం వెంకన్న, శ్రావణ్, నాగేష్ వ్యవహరించనున్నారు.

ఈ సందర్భంగా నూతన అధ్యక్షుడు నేతి ఉపేందర్ మాట్లాడుతూ.. జర్నలిస్టుల సంక్షేమం కోసం కృషి చేయడంతో పాటు, కొడకండ్ల ప్రాంతంలోని ప్రజా సమస్యలను వెలుగులోకి తీసుకురావడంలో ప్రెస్ క్లబ్ కీలక పాత్ర పోషిస్తుందని తెలిపారు. జర్నలిస్టుల మధ్య ఐక్యతను బలోపేతం చేస్తూ, వృత్తి నైపుణ్యాలను పెంపొందించే కార్యక్రమాలకు ప్రాధాన్యత ఇస్తామని పేర్కొన్నారు.

ప్రజలకు, ప్రభుత్వానికి మధ్య వారధిగా మీడియా తన బాధ్యతను సమర్థవంతంగా నిర్వర్తించేలా నూతన కార్యవర్గం పనిచేస్తుందని తెలిపారు. నూతన కార్యవర్గానికి పలువురు జర్నలిస్టులు, వివిధ వర్గాల ప్రముఖులు శుభాకాంక్షలు తెలిపారు.