కందుకూరు మండల వార్డు మెంబర్ల ఫోరం అధ్యక్షుడిగా తాళ్ల కార్తిక్ ఏకగ్రీవ ఎన్నిక

కందుకూరు: తెలంగాణ రాష్ట్ర వార్డు మెంబర్ల ఫోరం రాష్ట్ర వ్యవస్థాపకుడు నాగబెల్లి జ్యోతి మహేష్ ఆదేశాల మేరకు కందుకూరు మండల అధ్యక్షుడిగా తాళ్ల కార్తిక్ ఏకగ్రీవంగా ఎన్నికయ్యారు. వర్కింగ్ ప్రెసిడెంట్‌గా విజయలక్ష్మి కృష్ణ, గౌరవ అధ్యక్షుడిగా సౌడపు శేఖర్ గౌడ్ ఎన్నికయ్యారు. ఈ కార్యక్రమానికి రంగారెడ్డి జిల్లా ఇన్‌చార్జ్ గ్యార సురేష్, కో-ఇన్‌చార్జ్ దన్నె మల్లేష్ హాజరయ్యారు.
ఈ సందర్భంగా గ్యార సురేష్ మాట్లాడుతూ.... వార్డు సభ్యుల హక్కుల సాధనకు పార్టీలకతీతంగా ఐక్యంగా పోరాడాలని పిలుపునిచ్చారు. గ్రామాభివృద్ధి పనుల శిలాఫలకాలపై సంబంధిత వార్డు సభ్యుల పేర్లు ఉండాలని, వారికి తగిన గుర్తింపు, అధికారాలు కల్పించాలని కోరారు. వార్డు సభ్యులు, వారి కుటుంబాలకు ప్రమాద బీమా, ఆరోగ్య బీమా సౌకర్యాలు కల్పించాలని ప్రభుత్వాన్ని డిమాండ్ చేశారు.నూతన అధ్యక్షుడు తాళ్ల కార్తిక్ మాట్లాడుతూ.... మండలంలోని అన్ని గ్రామాల వార్డు సభ్యులను సమన్వయం చేసుకుంటూ వారి సమస్యల పరిష్కారం, హక్కుల సాధన, గ్రామాల అభివృద్ధికి కృషి చేస్తానని తెలిపారు. కార్యక్రమంలో ఫోరం నాయకులు, వివిధ గ్రామాల వార్డు సభ్యులు పాల్గొన్నారు.

టి. శ్రీనివాస్, మేజర్ న్యూస్