కేటీఆర్ సమక్షంలో బీఆర్ఎస్‌లో 20 కుటుంబాల చేరిక
హైదరాబాద్ తెలంగాణ భవన్‌లో కండువాలు కప్పి పార్టీలోకి ఆహ్వానించిన కేటీఆర్
చింతపల్లి మేజర్ న్యూస్
. నల్లగొండ జిల్లా..: నల్గొండ జిల్లా చింతపల్లి మండల కేంద్రంలో రాజకీయ పరిణామం చోటుచేసుకుంది. మండల కేంద్రానికి చెందిన 20 కుటుంబాలు బీఆర్ఎస్ (భారత రాష్ట్ర సమితి) పార్టీలో చేరాయి. హైదరాబాద్‌లోని తెలంగాణ భవన్‌లో బీఆర్ఎస్ వర్కింగ్ ప్రెసిడెంట్ కేటీఆర్ సమక్షంలో ఈ చేరిక కార్యక్రమం ఘనంగా జరిగింది.ఈ సందర్భంగా చింతపల్లి మండలానికి చెందిన 20 కుటుంబాల సభ్యులు కేటీఆర్‌ను కలుసుకుని బీఆర్ఎస్ పార్టీ కండువాలు కప్పుకున్నారు. కేటీఆర్ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.ఈ సందర్భంగా పార్టీలో చేరిన కుటుంబాల సభ్యులు మాట్లాడుతూ, బీఆర్ఎస్ పార్టీతో కలిసి పనిచేస్తూ ప్రజా సమస్యల పరిష్కారానికి తమ వంతు కృషి చేస్తామని తెలిపారు. పార్టీ బలోపేతానికి క్షేత్రస్థాయిలో కృషి చేస్తామని పేర్కొన్నారు.
చింతపల్లి మండల కేంద్రానికి చెందిన 20 కుటుంబాలు ఒకేసారి బీఆర్ఎస్ పార్టీలో చేరడం స్థానికంగా చర్చనీయాంశంగా మారింది. పార్టీ మాజీ మండల పార్టీ అధ్యక్షులు నట్వ. గిరిధర్ ఆధ్వర్యంలో పార్టీలో చేరిన వారు కొలుకులపల్లి .కొండల్, ఫయాజ్, చనమోని .అంజయ్య , భాస్కరాచారి, నల్ల .శంకర్, సిద్దే సాయికుమార్, ఆవుల. సుధాకర్, ఊరే. భాస్కర్, ఎండి ఆసిఫ్, గురుకుల. మహేష్, నాగరాజు ,ముక్కాల. సూరిబాబు తదితరులు పాల్గొన్నారు.
