పాత కొమ్ముగూడెంలో పలు నిర్మాణ పనులకు శ్రీకారం

• గ్రామంలో అభివృద్ధి పనులకు మార్కౌట్

సూర్య, లక్షెట్టిపేట: మండల పరిషత్ అభివృద్ధి అధికారి అనిల్ కుమార్ మంగళవారం పాత కొమ్ముగూడెం గ్రామపంచాయతీని సందర్శించారు. ఈ సందర్భంగా VB-GRAM G పథకంలో భాగంగా గ్రామంలో చేపట్టనున్న కమ్యూనిటీ శానిటరీ కాంప్లెక్స్, పశువుల నీటి తొట్టి, బోర్‌వెల్ రీఛార్జ్ నిర్మాణ పనులకు మార్కౌట్ వేసి పనులను ప్రారంభించారు. గ్రామంలో పారిశుద్ధ్య నిర్వహణ, పశువులకు నీటి సౌకర్యం కల్పించడం, భూగర్భ జలాల పెంపునకు ఈ నిర్మాణాలు దోహదపడనున్నాయి.

ఈ కార్యక్రమంలో సర్పంచ్ దుమ్మని సత్తయ్య, పంచాయతీ కార్యదర్శి రాజశేఖర్, ఏపీఓ వేణుగోపాల్, ఈసీ శ్రీనివాస్, టీఏ కైవల్య, ఫీల్డ్ అసిస్టెంట్ శ్రీనివాస్, వార్డు సభ్యులు, గ్రామ ప్రజలు పాల్గొన్నారు.