*కాంగ్రెస్ అసమర్థ పాలన వల్లనే రాష్ట్రంలో విద్యుత్ సంక్షోభం*
*మధిర నియోజకవర్గ బిఆర్ఎస్ పార్టీ ఇన్చార్జ్ లింగాల కమల్ రాజ్*
మధిర, సూర్య మేజర్ న్యూస్ :
తెలంగాణలో కేసీఆర్ ప్రభుత్వ హయాంలో వ్యవసాయానికి, అన్ని రంగాలకు 24 గంటల నిరంతర నాణ్యమైన విద్యుత్ అందించారని ఉమ్మడి ఆంధ్రప్రదేశ్‌లో కరెంటు కోతలు, రాత్రి పూట కరెంట్ కష్టాలతో అల్లాడిన రైతులకు, కేసీఆర్ ప్రభుత్వం వచ్చాక ఉచిత నాణ్యమైన విద్యుత్‌ను అందించిందన్నారు.
శుక్రవారం స్థానిక బిఆర్ఎస్ పార్టీ కార్యాలయంలో
ఏర్పాటు చేసిన మీడియా సమావేశంలో ఆ పార్టీ నియోజకవర్గ ఇన్చార్జ్ లింగాల కమల్ రాజ్ మాట్లాడుతూ కేసీఆర్ పాలనలో 24 గంటల కరెంట్ ఇస్తే.. ప్రస్తుతం కాంగ్రెస్ ప్రభుత్వంలో విద్యుత్ కోతలు, లో-వోల్టేజీ సమస్యలు పెరిగాయని బీఆర్ఎస్ నాయకులు కలరాజ్ విమర్శిస్తున్నారు.
కాంగ్రేస్ పార్టీ అసమర్థ పాలన వల్లనే రాష్ట్రం లో కరెంటు కష్టాలు మొదలయ్యాయని దుయ్యబట్టారు.చీకటి రాష్ట్రం నుండి 24గంటలు విరామం లేకుండా కరెంటు ఇచ్చే విధంగా రాష్ట్రాన్ని కెసిఆర్ తయారు చేశారని గుర్తు చేశారు.కాంగ్రెస్ అధికారంలోకి వచ్చిన 3సంవత్సరాలకే అన్ని వ్యవస్థలను నిర్వీర్యం చేశారని ఆరోపించారు.అధికారులు మీద చర్యలు తీసుకుంటే పరిష్కారం కాదని సంబంధిత మంత్రి పై చర్యలు తీసుకోవాలన్నారు. ఇప్పటికైనా ప్రతిపక్షాలపై విమర్శలు చేయడం మానుకుని పాలనపై దృష్టి పెట్టాలని హితవు పలికారు. ఈ సమావేశంలో మధిర మాజీ మార్కెట్ కమిటీ చైర్మన్ చిత్తారు.నాగేశ్వరరావు, పట్టణ మాజీ కార్యదర్శి అరిగె.శ్రీనివాస రావు కౌన్సిలర్ వైవి.అప్పారావు శివాలయం కమిటీ మాజీ చైర్మన్ వంకాయలపాటి నాగేశ్వరరావు నాయకులు పల్లపాటి.కోటేశ్వర్ రావు నాగులంచ.రామారావు చీదిరాల.రాంబాబు తదితరులు పాల్గొన్నారు.
