కార్యాలయ ఏర్పాటుకు వినతి

నవాబుపేట సూర్య న్యూస్:మండల భవన నిర్మాణ కార్మికుల సంక్షేమం,సంఘం కార్యకలాపాల నిర్వహణకు మండల కేంద్రంలో భవన నిర్మాణ కార్మిక సంఘం కార్యాలయ ఏర్పాటుకు సహకరించాలని ఎమ్మెల్యే జనంపల్లి అనిరుద్ రెడ్డిని సంఘం నాయకులు కోరారు.ఈ మేరకు శుక్రవారం భవన నిర్మాణ కార్మిక సంఘం మండల అధ్యక్షుడు వెంకటేశ్ ఆధ్వర్యంలో ఎమ్మెల్యేను క్యాంపు కార్యాలయంలో మర్యాదపూర్వకంగా కలిసి మండల కేంద్రంలో కార్యాలయ నిర్మాణానికి సహకారం అందించాలని విజ్ఞప్తి చేశారు.దీనిపై ఎమ్మెల్యే సానుకూలంగా స్పందించినట్లు సంఘం నాయకులు తెలిపారు.ఈ కార్యక్రమంలో సంఘం మండల ప్రధాన కార్యదర్శి శ్రీనివాస్, ఉపాధ్యక్షులు యాదయ్య సభ్యులు అమ్మాపూర్ యాదయ్య,తిరుపతయ్య,జహీర్,మైబు,సిద్దయ్య,రాములు తదితరులు పాల్గొన్నారు.