జిన్నారం సీఐ నాగార్జున గౌడ్ ని సన్మానించిన కాంగ్రెస్ నాయకులు

 జిన్నారం:జిన్నారం మున్సిపల్ కేంద్రంలోని సీఐ కార్యాలయాన్ని మాజీ ఎంపీపీ రవీందర్ గౌడ్ ఆధ్వర్యంలో కాంగ్రెస్ నాయకులు సందర్శించారు. ఈ సందర్భంగా జిన్నారం నూతన సీఐగా బాధ్యతలు చేపట్టిన నాగార్జున గౌడ్‌ను మర్యాదపూర్వకంగా కలిసి శాలువా కప్పి ఘనంగా సన్మానించారు. ఈ సందర్భంగా కాంగ్రెస్ నాయకులు మాట్లాడుతూ మున్సిపాలిటీ పరిధిలో శాంతిభద్రతల పరిరక్షణకు పోలీసులకు అన్ని విధాలా సంపూర్ణ సహకారం అందిస్తామని తెలిపారు. ప్రజలకు ఎలాంటి ఇబ్బందులు తలెత్తకుండా, శాంతియుత వాతావరణం నెలకొనేలా పోలీసు శాఖ చేపట్టే చర్యలకు తమ వంతు సహకారం ఉంటుందని పేర్కొన్నారు. ప్రజలు, పోలీసుల మధ్య సమన్వయం మరింత బలోపేతం కావాలని ఆకాంక్షించారు. ఈ కార్యక్రమంలో కాంగ్రెస్ నాయకులు, జిన్నారం మాజీ మాజీ ఎంపీపీ రవీందర్ గౌడ్, సురేష్, వహాబ్,  ప్రజాప్రతినిధులు, పార్టీ కార్యకర్తలు తదితరులు పాల్గొన్నారు.