అల్పాహారంతో విద్యార్థుల హాజరు శాతం పెరుగుదల ప్రభుత్వ పాఠశాలల్లో మెరుగైన విద్యా సౌకర్యాలు.. విద్యార్థులకు నాణ్యమైన విద్య అందించడమే లక్ష్యం హుస్నాబాద్ మండల విద్యాధికారి మనీలా

హుస్నాబాద్ : ప్రభుత్వ పాఠశాలల్లో అమలు చేస్తున్న అల్పాహార పథకం విద్యార్థులకు ఎంతగానో ఉపయోగపడుతోందని హుస్నాబాద్ మండల విద్యాధికారి మనీలా పేర్కొన్నారు. పాఠశాలల్లో ఉదయం అల్పాహారం అందించడం వల్ల విద్యార్థులు సకాలంలో పాఠశాలలకు హాజరవుతున్నారని, విద్యార్థుల హాజరు శాతంలో పెరుగుదల కనిపిస్తోందని తెలిపారు. ప్రభుత్వ పాఠశాలల్లో విద్యార్థులకు నాణ్యమైన విద్య అందించడంతో పాటు మెరుగైన విద్యా సౌకర్యాలు కల్పించేందుకు ప్రభుత్వం చర్యలు తీసుకుంటోందన్నారు.

 విద్యార్థులకు పౌష్టికాహారం అందించడం, చదువుపై ఆసక్తి పెంపొందించడం, విద్యా ప్రమాణాలను మెరుగుపరచడం వంటి లక్ష్యాలతో పలు కార్యక్రమాలు అమలు చేస్తున్నట్లు వివరించారు. తల్లిదండ్రులు తమ పిల్లలను ప్రభుత్వ పాఠశాలల్లో చేర్పించి, అందుబాటులో ఉన్న విద్యా సౌకర్యాలను సద్వినియోగం చేసుకోవాలని సూచించారు.