జిల్లాలో వెట్టిచాకిరి నిర్మూలనకు ప్రతి ఒక్కరు కృషి చేయాలి.... జిల్లా కలెక్టర్ బి చంద్రశేఖర్.

నల్గొండ జిల్లా బ్యూరో, మేజర్ న్యూస్...
అందరి సహకారంతో నల్గొండ జిల్లాలో వెట్టిచాకిరి నిర్మూలించాలని జిల్లా కలెక్టర్ బి. చంద్రశేఖర్ అన్నారు.సోమవారం అయన జిల్లా కలెక్టర్ కార్యాలయం వద్ద కార్మిక శాఖ ఆధ్వర్యంలో "అసంఘటిత రంగ కార్మికుల పై రూపొందించిన స్వేచ్ఛ రథాన్ని" జెండా ఊపి ప్రారంభించారు.అనంతరం మాట్లాడుతూ వెట్టిచాకిరి, బానిసత్వం అనేది అనాదిగా వస్తున్న సామాజిక రుగ్మత అని అన్నారు. వెట్టి చాకిరి నిర్మూలనకు రాష్ట్ర ప్రభుత్వం అనేక చర్యలు చేపట్టిందని, ఇందులో భాగంగానే    రాష్ట్రవ్యాప్తంగా
ప్రచార రథాల ద్వారా
ప్రజలకు అవగాహన కల్పించనుందని, ఈ ప్రచార రథాలు 20 రోజులపాటు జిల్లా వ్యాప్తంగా  బస్టాండ్లు, రైల్వేస్టేషన్లు, సంతలు, గ్రామ చావడీలు , జనసమ్మర్ధం ఎక్కువగా ఉండే ప్రదేశాలలో  వెట్టిచాకిరి, బానిసత్వం నిర్మూలన పై ప్రజలకు విస్తృతంగా అవగాహన కల్పించనున్నట్లు చెప్పారు. వెట్టిచాకిరిని  నిర్మూలించే విషయమై  కళాకారులు పాటలు, దృశ్య రూపకాలు, కరపత్రాలు, గోడపత్రికల రూపంలో అందరికీ విస్తృతంగా తెలియజేస్తారని తెలిపారు.  జిల్లా ప్రజలు వెట్టి చాకిరి పట్ల జాగరూకులై ఉండాలని, జిల్లాలో  వెట్టి చాకిరి పేరు వినపడకుండా సమిష్టిగా కృషి చేయాలని పిలుపునిచ్చారు. వెట్టిచాకిరి పై ఎవరి కైనా సమాచారం తెలిస్తే వెంటనే టోల్ ఫ్రీ నెంబర్  08069434343  కు
తెలియజేయాలన్నారు. వెట్టి చాకిరి, బానిసత్వ నిర్మూలనకు
కార్మిక, రెవెన్యూ, పోలీస్, పంచాయతీరాజ్, తదితర శాఖల సమన్వయం ముఖ్యమని,  అందరి సహకారంతో వెట్టిచాకిరి నిర్మూలనకు కృషి చేయాల్సిన అవసరం ఉందని కలెక్టర్  అన్నారు.స్థానిక సంస్థల ఇంచార్జి అదనపు కలెక్టర్ ప్రేమ్ కరణ్ రెడ్డి, అడిషనల్ ఎస్పీ రమేష్, కార్మికశాఖ ఉప కమీషనర్ చంద్రశేఖర్ గౌడ్, సహాయ కమిషనర్లు పి .అరుణ, సయ్యద్ మొయిజుద్దీన్, జిల్లా సంక్షేమ అధికారి లావణ్య, ఏ హెచ్ టి యు అంజలి, సిడబ్ల్యుసి చైర్మన్ చింతా కృష్ణ, చైల్డ్ ప్రొటెక్షన్ అధికారి గణేష్, కోఆర్డినేటర్ మహేష్, తదితరులు ఉన్నారు.ఈ సందర్భంగా జిల్లా కలెక్టర్ వెట్టిచాకిరి నిర్మూలనపై రూపొందించిన గోడపత్రికను ఆవిష్కరించారు.