ఇందిరమ్మ లబ్ధిదారులతో కాంగ్రెస్ నాయకుల సంబరాలు

 జిన్నారం:సొంతింటి కల సహకారం అవుతున్న వేళ ఇందిరమ్మ ఇళ్ల లబ్ధిదారుల ఆనందంలో కాంగ్రెస్ శ్రేణులు భాగస్వాములయ్యాయి. జిన్నారం మున్సిపల్  లో 18వ వార్డు కౌన్సిలర్ ఎర్రవల్లి దీనా ప్రవీణ్ ఆధ్వర్యంలో ఇందిరమ్మ ఇళ్ల లబ్ధిదారులతో కలిసి కాంగ్రెస్ పార్టీ నాయకులు సంబరాలు నిర్వహించారు. ఈ సందర్భంగా కౌన్సిలర్ దీనా ప్రవీణ్ మాట్లాడుతూ.. నిరుపేద కుటుంబాలకు సొంతింటి కలను సహకారం  చేయాలనే లక్ష్యంతో ముఖ్యమంత్రి రేవంత్ రెడ్డి ప్రభుత్వం ఇందిరమ్మ ఇళ్ల పథకాన్ని ప్రతిష్టాత్మకంగా అమలు చేస్తోందన్నారు. రాబోయే రోజుల్లో మరిన్ని అర్హులైన కుటుంబాలకు ఇందిరమ్మ ఇళ్లు మంజూరయ్యేలా కృషి చేస్తామని నాయకులు తెలిపారు. ఇల్లు లేని నిరుపేద కుటుంబాలు ఆందోళన చెందాల్సిన అవసరం లేదని, అర్హులైన ప్రతి ఒక్కరికీ ప్రభుత్వ పథకాలు అందేలా కృషి చేస్తామని పేర్కొన్నారు. ఇందిరమ్మ ఇళ్ల పథకం ద్వారా పేదల జీవితాల్లో కొత్త వెలుగులు నింపాలన్నదే ప్రభుత్వ సంకల్పమని అన్నారు. ఈ కార్యక్రమంలో కాంగ్రెస్ పార్టీ నాయకులు శంకరయ్య, గోకర వెంకటేష్, పల్నాటి భాస్కర్, యనగండ్ల నరేందర్, వడ్ల నరేష్, అనిల్, లాలు తదితర నాయకులు, కార్యకర్తలు పాల్గొన్నారు.

జిన్నారం రిపోర్టర్ యు.చంద్రశేఖర్