telangana
ఇందిరమ్మ ఇళ్లతో నిరుపేదల సొంతింటి కల సాకారం: ఎంసీపల్లి కాంగ్రెస్ పార్టీ అధ్యక్షుడు దోసకాయల వెంకటేష్
శామీర్‌పేట, మేజర్ న్యూస్ :నిరుపేద కుటుంబాలకు సొంతింటి కలను సాకారం చేయడమే లక్ష్యంగా ఇందిరమ్మ ప్రభుత్వం పనిచేస్తోందని మూడుచింతలపల్లి మున్సిపాలిటీ కాంగ్రెస్ పార్టీ అధ్యక్షుడు దోసకాయల వెంకటేష్ అన్నారు. మూడుచింతలపల్లి మున్సిపాలిటీ పరిధిలోని లక్ష్మాపూర్ గ్రామానికి చెందిన వట్టెం ప్రమీల (భర్త నర్సయ్య)కు ప్రభుత్వం మంజూరు చేసిన ఇందిరమ్మ ఇంటి గృహప్రవేశ కార్యక్రమం ఆదివారం ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన దోసకాయల వెంకటేష్, కౌన్సిలర్లు గోవర్ధన్ రెడ్డి, కటికల శ్రీవాణి వైద్యనాథ్, సరిత శ్రీనివాస్‌లతో కలిసి గృహప్రవేశ వేడుకలో పాల్గొని లబ్ధిదారు కుటుంబానికి శుభాకాంక్షలు తెలిపారు.ఈ సందర్భంగా వెంకటేష్ మాట్లాడుతూ ముఖ్యమంత్రి రేవంత్ రెడ్డి నేతృత్వంలోని ప్రభుత్వం ప్రతి గ్రామంలో ఇల్లు లేని అర్హులైన నిరుపేద కుటుంబాలకు ఇందిరమ్మ ఇళ్లు నిర్మించి ఇవ్వాలనే సంకల్పంతో ముందుకు సాగుతోందన్నారు. మేడ్చల్ నియోజకవర్గంలోనూ అర్హులైన ప్రతి పేద కుటుంబానికి ఇందిరమ్మ ఇళ్లు అందించేందుకు నియోజకవర్గ కాంగ్రెస్ ఇన్‌చార్జి, జిల్లా కాంగ్రెస్ అధ్యక్షుడు తోటకూర వజ్రేష్ యాదవ్ సహకారంతో కృషి చేస్తున్నామని తెలిపారు.ఈ కార్యక్రమంలో మాజీ సర్పంచ్ సింగం ఆంజనేయులు, సింగం భాస్కర్ (టెంట్), ఆకుల నాగేష్, కీసర నరసింహులు, తిరిపిగల్ల శ్రీనాథ్, ఆకుల వెంకటేష్, లబ్ధిదారు కుటుంబ సభ్యులు తదితరులు పాల్గొన్నారు.
