ఇందిరమ్మ ఇళ్ల నిర్మాణ పనులను వేగవంతం చేయాలి మంజూరైన ఇళ్లను త్వరితగతిన పూర్తి చేయాలి.
రామాయంపేట : ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల నిర్మాణాలను నిర్దేశిత గడువులోగా పూర్తి చేసేందుకు అధికారులు, లబ్ధిదారులు సమన్వయంతో కృషి చేయాలని తహసిల్దార్ రజనీకుమారి ఎంపీడీవో షాజీలోద్దీన్ సూచించారు.రామాయంపేట మండల పరిధిలోని దంతపల్లి గ్రామంలో శనివారం గ్రామ సర్పంచ్ మస్కూరి బాలరాజు ఆధ్వర్యంలో తహసిల్దార్ రజిని కుమారి ఎంపీడీవో షాజీలోద్దీన్ ఇందిరమ్మ ఇళ్ల నిర్మాణ పనులను పరిశీలించారు. గతంలో మంజూరైన ఇందిరమ్మ ఇళ్ల నిర్మాణాలను వేగవంతం చేసి త్వరితగతిన పూర్తి చేయాలని లబ్ధిదారులకు సూచించారు. అదేవిధంగా నూతనంగా మంజూరైన ఇందిరమ్మ ఇళ్ల నిర్మాణ పనులను ప్రారంభించాలని తెలిపారు.
ప్రతి నిరుపేద కుటుంబానికి సొంతింటి కలను సాకారం చేయాలనే లక్ష్యంతో ప్రభుత్వం ఇందిరమ్మ ఇళ్ల పథకాన్ని అమలు చేస్తోందని, గుడిసెలేని తెలంగాణ నిర్మాణమే ప్రభుత్వ లక్ష్యమని వారు పేర్కొన్నారు. అర్హులైన లబ్ధిదారులు ఇళ్ల నిర్మాణ పనులను వెంటనే ప్రారంభించి, ప్రభుత్వం కల్పిస్తున్న అవకాశాలను సద్వినియోగం చేసుకోవాలని సూచించారు. ఈ కార్యక్రమంలో వార్డు సభ్యులు గ్రామ ప్రజలు తదితరులు పాల్గొన్నారు