మర్పల్లి, మేజర్ న్యూస్: గ్రామాభివృద్ధితో పాటు రైతులకు, కూలీలకు ఉపాధి అవకాశాలు కల్పించడమే లక్ష్యంగా ధమాస్తాపూర్ గ్రామపంచాయతీలో వివిధ అభివృద్ధి పనుల గుర్తింపు, మార్కింగ్ కార్యక్రమం నిర్వహించారు. ఎంపీడీవో శాంతమ్మ సమక్షంలో గ్రామ సర్పంచ్ సంతోష్ కుమారి యాదగిరి అధ్యక్షతన ఈ కార్యక్రమం జరిగింది. గ్రామంలో చేపట్టాల్సిన వివిధ రకాల జలసిరి, ఇతర అభివృద్ధి పనులను గుర్తించి వాటికి మార్కింగ్ ఇచ్చారు. ఈ సందర్భంగా రైతులు, కూలీలకు పనుల ప్రాధాన్యత, ఉపాధి అవకాశాలపై అధికారులు అవగాహన కల్పించారు. సోమవారం నుంచి అధిక సంఖ్యలో కూలీలు పనులకు హాజరయ్యేలా అవసరమైన పనులను సిద్ధం చేయాలని సమావేశంలో నిర్ణయించారు. గ్రామంలో కూలీలకు నిరంతరం ఉపాధి కల్పిస్తూ అభివృద్ధి పనులను వేగవంతం చేయాలని అధికారులు సూచించారు. ఈ కార్యక్రమంలో ఎంపీఓ శ్రీనివాస్, ఏపీఓ అంజిరెడ్డి, ఏపీఎం సమ్మయ్య, సీసీ మల్లేశం, టెక్నికల్ అసిస్టెంట్ విష్ణువర్ధన్ రెడ్డి, వెటర్నరీ అసిస్టెంట్ కుమార్, గ్రామపంచాయతీ కార్యదర్శి స్వరూపరాణి, ఉపసర్పంచ్, వార్డు సభ్యులు, రైతులు, కూలీలు తదితరులు పాల్గొన్నారు.
