ఘనంగా సీఎం రేవంత్ రెడ్డి జన్మదిన వేడుకలు

సూర్య మెట్‌పల్లి: తెలంగాణ ముఖ్యమంత్రి అనుముల రేవంత్ రెడ్డి 57వ జన్మదిన వేడుకలను ఆదివారం టీపీసీసీ డెలిగేట్ కల్వకుంట్ల సుజిత్ రావు నివాసంలో ఘనంగా నిర్వహించారు. ఈ సందర్భంగా ప్రత్యేకంగా తయారు చేయించిన కేక్‌ను మార్కెట్ కమిటీ చైర్మన్ కూన గోవర్ధన్, కాంగ్రెస్ నాయకులు కలిసి కట్ చేసి ముఖ్యమంత్రికి జన్మదిన శుభాకాంక్షలు తెలిపారు.ఈ కార్యక్రమంలో జగిత్యాల జిల్లా కాంగ్రెస్ పార్టీ ప్రధాన కార్యదర్శి మహమ్మద్ ఖుతుబోద్దీన్ పాషా, టీపీసీసీ ఫిషర్మన్ రాష్ట్ర ప్రధాన కార్యదర్శి రుత్త నారాయణ, జిల్లా కాంగ్రెస్ పార్టీ ఉపాధ్యక్షుడు బైండ్ల శ్రీకాంత్, జిల్లా కాంగ్రెస్ పార్టీ కార్యదర్శి ఎండీ జాఫర్, మల్లాపూర్ మండల కాంగ్రెస్ పార్టీ మాజీ అధ్యక్షుడు కొమ్ముల చిన్నారెడ్డి, పాత దాంరాజ్‌పల్లి ఉపసర్పంచ్ ఇప్పపల్లి గణేష్, కల్లెడ గంగాధర్, మొగిలి రాజేందర్ తదితరులు పాల్గొన్నారు.