ఎమ్మెల్సీ ఓటర్ నమోదు ప్రక్రియను వేగవంతం చేయాలి: నరేష్ యాదవ్.

 జల్ పల్లి.అర్హులైన పట్టభద్రులు ఓటరు నమోదుపై ప్రత్యేక దృష్టి సారించాలని జల్ పల్లి 65వ డివిజన్ బిజెపి నాయకులు పేరామోని నరేష్ యాదవ్ పిలుపునిచ్చారు. హోటల్ నమోదు ప్రక్రియలో అర్హులైన ప్రతి ఒక్కరూ పాల్గొని తమ ప్రజాస్వామ్య హక్కుని సద్వినియోగం చేసుకోవాలని కోరారు. ఈ సందర్భంగా ఆదివారం మామిడిపల్లిలోని బిజెపి కార్యాలయంలో ఆయన మాట్లాడుతూ. ఉద్యోగులు, ఉపాధ్యాయులు తమ సమస్యల పరిష్కారం కోసం ప్రభుత్వానికి వినతి పత్రాలు అందజేయడంతో పాటు ప్రజాస్వామ్యబద్ధంగా తమ హక్కులను వినియోగించుకోవాలని సూచించారు. అర్హులైన పట్టభద్రులు సంబంధిత ఎమ్మెల్సీ నియోజకవర్గ ఓటరు జాబితాలో తమ పేర్లను నమోదు చేసుకోవాలని, ఉపాధ్యాయ ఎమ్మెల్సీ నియోజకవర్గానికి అర్హులైన వారు సంబంధిత నిబంధనల ప్రకారం దరఖాస్తు చేసుకోవాలని తెలిపారు. ప్రజాస్వామ్యంలో ఓటు హక్కు అత్యంత కీలకమని, ప్రజా సమస్యలను ప్రభుత్వం దృష్టికి తీసుకెళ్లడంలో ఓటు ఒక ముఖ్యమైన సాధనమని ఆయన పేర్కొన్నారు. ఉద్యోగులు, ఉపాధ్యాయులు సమస్యల పరిష్కారం కోసం సంఘటితంగా, గంగ బద్ధమైన మార్గాల్లో తమ హక్కుల కోసం కృషి చేయాలని కోరారు. ఎమ్మెల్సీ ఓటరు నమోదుకు సంబంధించిన అర్హతలు, దరఖాస్తు విధానం, అవసరమైన పత్రాలు, చివరి తేదీ వంటి వివరాలను అధికారికంగా నిర్ధారించుకొని దరఖాస్తు చేసుకోవాలని నరేష్ యాదవ్ సూచించారు. అర్హులైన ప్రతి ఒక్కరు ఓటరు నమోదుపై అవగాహన పెంచుకొని, ప్రజాస్వామ్య ప్రక్రియలో చురుకుగా పాల్గొనాలని పిలుపునిచ్చారు.                  

    అంకం జగన్ : మేజర్ న్యూస్, జల్ పల్లి.