ఈనెల 26న చలో హైదరాబాద్ కు వేలాదిగా తరలి రండి

పరకాల, మేజర్ న్యూస్, రాష్ట్ర ప్రభుత్వం ఎన్నికల సందర్భంగా కార్మికులకు ఇచ్చిన హామీలను అమలు చేయాలని పెరుగుతున్న ధరలకు అనుగుణంగా వేతనాల పెంపుదల పెంచాలని డిమాండ్ చేస్తూ ఈ నెల 26 న జరిగే చలో హైదరాబాద్ (ఇంద్ర పార్క్) కు కార్మికులు వేలాదిగా తరలి రావాలని సిఐటియు జిల్లా కోశాధికారి బొట్ల చక్రపాణి పిలుపునిచ్చారు. మండల కేంద్రంలో కార్మికులతో కలిసి చలో హైదరాబాద్ పోస్టర్ ను ఆవిష్కరణ చేశారు. ఈ సందర్భంగా ఆయన మాట్లాడుతూ కార్మికులకు రాష్ట్ర ప్రభుత్వం ఎన్నికల్లో వచ్చిన హామీలు రెండు  సంవత్సరాలు గడిచిన అమలు చేయకపోవడం, వేతనాలు పెంచకపోవడం తో కార్మికుల ఆశలు అడియాశయ్యాయని ఆయన అన్నారు. తక్షణమే పిఆర్సి ప్రకటించి గ్రామపంచాయతీ మున్సిపాలిటీ, ఆశా, అంగన్వాడి మధ్యాహ్న భోజనం తదితర రంగాల కార్మికులకు కనీస వేతనం 30 వేల రూపాయలుగా నిర్ణయించి అమలు చేయాలని ఆయన డిమాండ్ చేశారు. అసంఘటితరంగా కార్మికులైన హమాలీ ఆటో కార్మికులకు సంక్షేమ బోర్డులు ఏర్పాటు చేసి వారిని ఆదుకోవాలని ఆయన కోరారు. 50 సంవత్సరాలు పైబడిన వారికి పెన్షన్ ఉద్యోగ భద్రత ఈఎస్ఐ, పిఎఫ్ లాంటి చట్టబద్ధ హక్కులు కల్పించాలని డిమాండ్ చేశారు. కేంద్ర ప్రభుత్వం తీసుకొచ్చిన నాలుగు లేబర్ కోడ్లను అమలు కోసం రాష్ట్ర ప్రభుత్వం రూల్స్ తయారు చేసింది. దీనివలన కార్మికులకు తీవ్రమైన నష్టం వాటిల్లుతుందని అందుకే ఈ కోడ్లను తక్షణమే రద్దు చేయాలని ఆయన కోరారు.  సమస్యల సాధన కోసం జరిగే చెలో హైదరాబాద్ కు జిల్లాలోని కార్మికులందరూ అధిక సంఖ్యలో తరలిరావాలని చక్రపాణి పిలుపునిచ్చారు. 
కార్యక్రమంలో సిఐటియు మండల కన్వీనర్ పల్లె రామన్న ,మండల నాయకులు పోషణ పల్లి రవి, కొడారి రమేష్ , జి లక్ష్మీనారాయణ, వై. లక్ష్మయ్య, జి. భాస్కర్, జి .కుమార్, కిన్నర, దేవేందర్ ,దుప్పటి జంపయ్య తదితరులు పాల్గొన్నారు

రిపోర్టర్ :,పురుషోత్తం, పరకాల హనుమకొండ జిల్లా