దుమ్ముగూడెంలో ఘనంగా ఏటీఏ 15వ ఆవిర్భావ వేడుకలు.

దుమ్ముగూడెంలో ఘనంగా ఏటీఏ 15వ ఆవిర్భావ వేడుకలు.

దుమ్ముగూడెం సూర్య (మేజర్ న్యూస్)::

మండల పరిధిలోని ములకపాడు కొమరం భీం సెంటర్ లో ఆదివాసి టీచర్స్ అసోసియేషన్ 15వ ఆవిర్భావ వేడుకలను సోమవారం ఘనంగా నిర్వహించారు.సంఘ మండల అధ్యక్షుడు వాసం ఆదినారాయణ అధ్యక్షతన జరిగిన కార్యక్రమంలో ఏటీఏ జిల్లా ప్రధాన కార్యదర్శి ఎన్. సత్యనారాయణ జెండాను ఆవిష్కరించారు.ఈ సందర్భంగా ఆయన మాట్లాడుతూ..ఏజెన్సీ ప్రాంత ఉపాధ్యాయుల ప్రమోషన్లు,అలవెన్సులు, జీవో నెం. 3 పునరుద్ధరణ వంటి సమస్యల పరిష్కారంలో ఏటీఏ ఎప్పుడూ ముందుంటుందన్నారు. జీవో నెం. 3 స్థానంలో ఆదివాసీల ఉద్యోగ రక్షణకు ప్రభుత్వం తక్షణమే ప్రత్యేక చట్టం రూపొందించాలని డిమాండ్ చేశారు. రాష్ట్రంలో పీఆర్‌సీని అమలు చేయడంతో పాటు 4 పెండింగ్ డీఏలను మంజూరు చేయాలని, గిరిజన ఆశ్రమ పాఠశాలల భాషా పండితులు, పీఈటీ పోస్టులను అప్‌గ్రేడ్ చేసి సీపీఎస్‌ను రద్దు చేయాలని కోరారు.ఈ కార్యక్రమంలో సంఘం రాష్ట్ర కోశాధికారి సోయం హనుమంతరావు, నాయకులు కొర్స చిట్టిబాబు,రాజేష్,పూనెం రమేష్,ఏఎస్పి ఉపాధ్యక్షులు కామరాజు, జిల్లా అధ్యక్షులు మల్లు దొర తదితరులు పాల్గొన్నారు.