యంగ్ ఇండియా ఇంటిగ్రేటెడ్ స్కూల్ పనుల పరిశీలన
* పనుల్లో నాణ్యతా ప్రమాణాలు పాటించాలి
* నిర్మాణ పనులను వేగవంతం చేయాలని అధికారులకు ఎమ్మెల్యే డాక్టర్ చిక్కుడు వంశీకృష్ణ ఆదేశం
ఉప్పునుంతల, సూర్య న్యూస్:
ఉప్పునుంతల మండలం రాయిచేడ్ గ్రామ పరిధిలో తెలంగాణ ప్రభుత్వం ప్రతిష్టాత్మకంగా నిర్మిస్తున్న యంగ్ ఇండియా ఇంటిగ్రేటెడ్ రెసిడెన్షియల్ స్కూల్ నిర్మాణ పనులను అచ్చంపేట ఎమ్మెల్యే డాక్టర్ చిక్కుడు వంశీకృష్ణ క్షేత్రస్థాయిలో పరిశీలించారు. ఈ సందర్భంగా పాఠశాల భవన నిర్మాణ పనుల పురోగతిని అధికారులను అడిగి తెలుసుకున్నారు.
పేద, మధ్యతరగతి విద్యార్థులకు అంతర్జాతీయ ప్రమాణాలతో కూడిన కార్పొరేట్ స్థాయి విద్యను ఉచితంగా అందించాలనే లక్ష్యంతో ప్రభుత్వం ఈ పాఠశాలలను నిర్మిస్తోందని ఎమ్మెల్యే పేర్కొన్నారు. నిర్మాణ పనుల్లో నాణ్యతా ప్రమాణాలు తప్పనిసరిగా పాటించాలని, ఎలాంటి నిర్లక్ష్యానికి తావివ్వకుండా పనులను వేగవంతం చేసి నిర్ణీత గడువులోగా పూర్తి చేయాలని సంబంధిత అధికారులకు, కాంట్రాక్టర్లకు సూచించారు. ఈ పాఠశాల అందుబాటులోకి వస్తే గ్రామీణ ప్రాంత పేద విద్యార్థులకు నాణ్యమైన విద్య అందే అవకాశం ఉంటుందని పేర్కొన్నారు ఎమ్మెల్యే వెంట రాయిచెడు సర్పంచ్ తోళ్ళ లలిత ఆనంద్ అధికారులు పాల్గొన్నారు.
