శిరీకోళం పంచాయతీ అభివృద్ధికి ప్రత్యేక చొరవ తీసుకుంటా: ఎంపీటీసీ రాజగోపాల్

పరిగి మండలం శిరీకోళం పంచాయతీ ఎంపీటీసీగా టీడీపీ తరఫున విజయం సాధించిన రాజగోపాల్ కి  గ్రామంలోని  నరసింహస్వామి ఆలయంలో ప్రత్యేక పూజలు నిర్వహించారు గ్రామస్తులు . అనంతరం ఆయనకు శాలువా కప్పి పూలమాలతో ఘనంగా సత్కరించారు.ఈ సందర్భంగా ఎంపీటీసీ రాజగోపాల్ మాట్లాడుతూ.. తనపై నమ్మకంతో గెలిపించిన ప్రజలకు కృతజ్ఞతలు తెలిపారు. ప్రత్యేక చొరవ తీసుకొని గ్రామీణ అభివృద్ధికి కృషి చేస్తానని, హో న్నంపల్లి, శిరీకోళం పంచాయతీలను అభివృద్ధి బాటలో నడిపించేందుకు కచ్చితంగా కృషి చేస్తానని పేర్కొన్నారు. గ్రామాల్లో నెలకొన్న సమస్యలను గుర్తించి, ప్రజలకు అవసరమైన మౌలిక సదుపాయాల కల్పనకు ప్రాధాన్యత ఇస్తానని తెలిపారు.