డ్రైనేజీ సమస్యపై అధికారుల నిర్లక్ష్యం..! - దుర్వాసనతో ప్రజల అవస్థలు

సూర్య బేల :   మండల కేంద్రంలోని శివాజీ చౌక్ నుంచి అశోక్ నగర్ కాలనీకి వెళ్లే రోడ్డు  పక్కన ఉన్న డ్రైనేజీలో నీరు నిల్వ ఉండటంతో స్థానిక ప్రజలు తీవ్ర ఇబ్బందులు ఎదుర్కొంటున్నారు. డ్రైనేజీలో నిలిచిపోయిన నీటి నుంచి వెలువడుతున్న దుర్వాసనతో కాలనీవాసులు నానా అవస్థలు పడుతున్నారు. సమస్యను పరిష్కరించాలని గ్రామపంచాయతీ అధికారులకు ఎన్నిసార్లు విన్నవించినా పట్టించుకోవడం లేదని కాలనీవాసులు ఆరోపిస్తున్నారు. గ్రామపంచాయతీ అధికారులు స్పందించి, డ్రైనేజీలో నిల్వ ఉన్న నీటిని వెంటనే తొలగించడంతో పాటు మురుగునీరు సక్రమంగా ప్రవహించేలా శాశ్వత పరిష్కారం చూపాలని కాలనీ వాసులు డిమాండ్ చేస్తున్నారు. అధికారులు ఇకనైనా  స్పందిస్తారా? లేక సమస్యను ఇలాగే వదిలేస్తారా? అన్నది వేచి చూడాలి.