నామినేషన్ల ప్రక్రియను పరిశీలించిన స్టేట్ జనరల్ అబ్జర్వర్ ఎన్నికల నిబంధనలు పక్కాగా అమలు చేయాలి.. అధికారులకు అనిల్ కుమార్ రెడ్డి సూచన
నామినేషన్ల ప్రక్రియను పరిశీలించిన స్టేట్ జనరల్ అబ్జర్వర్
ఎన్నికల నిబంధనలు పక్కాగా అమలు చేయాలి.. అధికారులకు అనిల్ కుమార్ రెడ్డి సూచన
ఓర్వకల్లు మేజర్ న్యూస్:
స్థానిక సంస్థల ఎన్నికల నామినేషన్ల స్వీకరణ ప్రక్రియను స్టేట్ జనరల్ అబ్జర్వర్ అనిల్ కుమార్ రెడ్డి గురువారం ఓర్వకల్లు మండల కేంద్రంలోని మండల ప్రజా పరిషత్ కార్యాలయంలో పరిశీలించారు. నామినేషన్ల స్వీకరణ జరుగుతున్న తీరును సమీక్షించి, ఎన్నికల నిర్వహణకు సంబంధించిన వివరాలను రిటర్నింగ్ అధికారి సతీష్ కుమార్, అసిస్టెంట్ రిటర్నింగ్ అధికారి నాగ అనసూయని అడిగి తెలుసుకున్నారు.
నామినేషన్ల స్వీకరణలో ఎన్నికల నిబంధనలను ఖచ్చితంగా పాటించాలని, అభ్యర్థులకు ఎలాంటి ఇబ్బందులు కలగకుండా అవసరమైన ఏర్పాట్లు చేయాలని అధికారులకు సూచించారు. ఎన్నికల ప్రక్రియను పారదర్శకంగా, ప్రశాంత వాతావరణంలో నిర్వహించాలని, విధుల నిర్వహణలో అప్రమత్తంగా ఉండాలని ఆదేశించారు.
