జడ్పీటీసీ, ఎంపీటీసీ నామినేషన్ల ప్రక్రియను లైవ్ స్ట్రీమింగ్ ద్వారా పరిశీలించిన జిల్లా కలెక్టర్ డా.ఏ.సిరి

కర్నూలు, అక్టోబర్ 22: జిల్లాలో జరుగుతున్న జడ్పీటీసీ, ఎంపీటీసీ  నామినేషన్ల ప్రక్రియను  జిల్లా కలెక్టర్ డా.ఏ.సిరి లైవ్ స్ట్రీమింగ్ ద్వారా పరిశీలించారు.

గురువారం జిల్లా పరిషత్ కార్యాలయం, ఎంపిడిఓ కార్యాలయాల్లో జరుగుతున్న జడ్పీటీసీ, ఎంపీటీసీ నామినేషన్ల ప్రక్రియను జిల్లా కలెక్టర్  లైవ్ స్ట్రీమింగ్ ద్వారా పరిశీలించారు.

ఈ సందర్భంగా కలెక్టర్ మాట్లాడుతూ
జెడ్పీటీసీ, ఎంపీటీసీ నామినేషన్ల ప్రక్రియపై నిఘా ఉంచడం జరిగిందని తెలిపారు. జిల్లా పరిషత్ కార్యాలయం, ఎంపిడిఓ కార్యాలయాల్లో జరుగుతున్న జడ్పీటీసీ, ఎంపీటీసీ నామినేషన్ల ప్రక్రియ సజావుగా జరుగుతుందా లేదా అని పరిశీలించేందుకు వీలుగా జిల్లా పరిషత్ మరియు ఎంపిడిఓ కార్యాలయాల్లో సీసీటీవీ కెమెరాలు ఏర్పాటు చేశామని తెలిపారు. పారదర్శకంగా జెడ్పీటీసీ, ఎంపీడీఓ నామినేషన్ల స్వీకరణ నిర్వహించడం లో భాగంగా కట్టుదిట్టమైన చర్యలు తీసుకుంటున్నామని కలెక్టర్ తెలిపారు.

అలాగే కమాండ్ కంట్రోల్ రూమ్‌, కంప్లైంట్  సెల్ ద్వారా ఎన్నికలకు సంబంధించి అందిన ప్రతి ఫిర్యాదును నమోదు చేసి, ఎప్పటికప్పుడు వాటిపై స్పందిస్తూ, పరిష్కారానికి తగిన చర్యలు తీసుకుంటున్నామని కలెక్టర్ తెలిపారు.  ఎన్నికలకు సంబంధించి అందిన ప్రతి ఫిర్యాదును నమోదు చేసి, సంబంధిత సిబ్బందిని ఫోన్ ద్వారా సంప్రదించి వివరాలు తెలుసుకోవాలని, ఫిర్యాదుపై నిబంధనల ప్రకారం తగిన చర్యలు తీసుకోవాలని అధికారులను ఆదేశించామని కలెక్టర్ తెలిపారు.