రోడ్డు ప్రమాదంలో గుర్తుతెలియని వ్యక్తి మృతి

రోడ్డు ప్రమాదంలో గుర్తుతెలియని వ్యక్తి మృతి

ఓర్వకల్లు మేజర్ న్యూస్:

ఓర్వకల్లు మండల పరిధిలోని సోమయాజులపల్లి గ్రామ సమీపంలో జాతీయ రహదారి (NH-40)పై గురువారం తెల్లవారుజామున జరిగిన రోడ్డు ప్రమాదంలో గుర్తుతెలియని వ్యక్తి మృతి చెందాడు. ఎస్సై సునీల్ కుమార్ తెలిపిన వివరాల మేరకు.. నంద్యాల నుంచి కర్నూలు వైపు వెళ్లే రహదారిని దాటుతుండగా తెల్లవారుజామున సుమారు 5 గంటల నుంచి 5.30 గంటల మధ్య గుర్తుతెలియని వాహనం ఢీకొనడంతో సదరు వ్యక్తి అక్కడికక్కడే మృతి చెందాడు. ఈ ఘటన సోమయాజులపల్లి గ్రామ సమీపంలోని ఇండియన్ ఆయిల్ పెట్రోల్ బంక్ ఎదురుగా చోటుచేసుకుంది.

మృతుడి వయస్సు సుమారు 30 నుంచి 35 సంవత్సరాలు, ఎత్తు సుమారు 5.5 అడుగులు ఉండగా, ఛామనచాయ రంగులో ఉన్నట్లు గుర్తించారు. అతని కుడి చేతిపై పచ్చబొట్టు ఉంది. ప్రస్తుతం మృతదేహాన్ని కర్నూలు ప్రభుత్వ ఆసుపత్రి మార్చురీలో భద్రపరిచారు.

మృతుడిని గుర్తించిన వారు లేదా అతని కుటుంబ సభ్యుల వివరాలు తెలిసిన వారు ఓర్వకల్లు పోలీసులకు సమాచారం అందించాలని ఎస్సై కోరారు.