andhrapradesh
సంస్కృత వర్సిటీలో అరుదైన కల్పవృక్షం
ఎడ్యుకేషన్ స్టాఫ్ రిపోర్టర్ : జాతీయ సంస్కృత వర్సిటీ ప్రాంగణంలో అరుదైన కల్పవృక్షం మొక్కను వీసీ ప్రొఫెసర్ జీఎస్ఆర్ కృష్ణమూర్తి గురువారం సిబ్బందితో కలిసి ప్రత్యేక పూజలు నిర్వహించి నాటారు. ఈ సందర్భంగా ఆయన మాట్లాడుతూ జార్ఖండ్ కేంద్ర విశ్వవిద్యాలయం కంప్యూటర్ సైన్స్ విభాగాధిపతి ప్రొఫెసర్ సుభాష్ చంద్ర జాదవ్ కల్పవృక్ష మొక్కను బహుకరించారని తెలిపారు. 101 విద్యా సంస్థలలో క్లప వృక్షాలను పెంచాలనే సంకల్పంతో ఆయన బృహత్తర కార్యక్రమాన్ని చేపట్టారని అందులో భాగంగా ఎన్ఎస్ఈ్యూలో ఈ మొక్కను నాటడం జరిగిందని తెలిపారు. భారతదేశపు సుసంపన్నమైన సాంస్కృతిక వారసత్వాన్ని పరిరక్షించడం, కల్పవృక్షంతో ముడిపడి ఉన్న సాంప్రదాయ విలువలను ప్రోత్సహించడం ఈ కార్యక్రమం ప్రధాన ఉద్దేశ్యమని వెల్లడించారు. ఈ కార్యక్రమంలో వర్సిటీ సిబ్బంది పాల్గొన్నారు.
సీఎం గౌడ్ తిరుపతి స్టాప్ రిపోర్టర్
