దివ్యాంగ విద్యార్థులకు క్రీడా పోటీలు ప్రతిభను ప్రోత్సహిస్తూ.. విజేతలకు బహుమతుల ప్రదానం

రామాయంపేట ; నిజాంపేట సమగ్ర శిక్ష మెదక్ జిల్లా విద్యాశాఖ ఆధ్వర్యంలో నిజాంపేట మండలంలోని దివ్యాంగ విద్యార్థులకు గురువారం భవిత కేంద్రంలో వివిధ క్రీడా పోటీలు నిర్వహించారు. ఈ కార్యక్రమానికి ముఖ్య అతిథిగా మండల విద్యాధికారి (ఎంఈఓ) యాదగిరి హాజరయ్యారు.ఈ సందర్భంగా ఆయన మాట్లాడుతూ విద్యార్థులు ఉత్సాహంగా క్రీడా పోటీల్లో పాల్గొన్నారు. పోటీల్లో ప్రథమ, ద్వితీయ స్థానాలు సాధించిన విద్యార్థులకు ముఖ్య అతిథి బహుమతులు అందజేశారు. గెలుపోటములతో సంబంధం లేకుండా పోటీల్లో పాల్గొన్న విద్యార్థులందరికీ బహుమతులు అందించి వారిని ప్రోత్సహించారు. దివ్యాంగ విద్యార్థుల్లో ఆత్మవిశ్వాసం, క్రీడా స్ఫూర్తిని పెంపొందించేందుకు ఇలాంటి కార్యక్రమాలు ఎంతగానో దోహదపడతాయని నిర్వాహకులు పేర్కొన్నారు.ఈ కార్యక్రమంలో ఐఈఆర్పీ రాజయ్య, ప్రాథమిక పాఠశాల హెచ్‌ఎం సాగరిక, జెడ్పీహెచ్‌ఎస్ నస్కల్ హెచ్‌ఎం సత్యం రెడ్డి, నగరం హెచ్‌ఎం ఉమారాణి, బచ్చురాజుపల్లి హెచ్‌ఎం రాజు, ఉపాధ్యాయులు ఎల్లం, సుమలత, మన్మధ, వెంకటేష్, జాకియా, పాఠశాల ఆయాలు, విద్యార్థుల తల్లిదండ్రులు పాల్గొన్నారు.