పొన్నూరు పట్టణంలో విజిలెన్స్ దాడులతో రైస్ అండ్ జనరల్ స్టోర్స్ మూసివేత

 పొన్నూరు మేజర్ న్యూస్ :పొన్నూరు పట్టణంలో విజిలెన్స్ అధికారులు దాడులు నిర్వహిస్తున్నారనే సమాచారంతో రైస్ అండ్ జనరల్ స్టోర్స్ ఒక్కసారిగా మూతపడ్డాయి. దాడుల భయంతో చాలా షాపులు తెరవలేదని స్థానికులు చెబుతున్నారు.ఈ దాడుల్లో బయటపడిన ప్రధాన అంశం బరువులో తేడా. 26 కేజీలు ఉండాల్సిన బియ్యం బస్తాలో 25 కేజీలు మాత్రమే ఉండటం పట్టణ ప్రజలను ఆశ్చర్యానికి గురిచేస్తోంది. బస్తాపై ముద్రించిన బరువు కంటే తక్కువ ఇవ్వడం లీగల్ మెట్రాలజీ నిబంధనల ప్రకారం నేరం.ఇది ఒక్క పొన్నూరు సమస్యే కాదుగతంలో కూడా బాపట్ల, పొన్నూరు ప్రాంతాల్లో లీగల్ మెట్రాలజీ అధికారులు 44 రైస్ మిల్లులపై కేసులు నమోదు చేశారు. అందులో పొన్నూరులోని ఓ మిల్లులో 25 కేజీల బస్తాకు 1 కేజీ తక్కువగా ఉన్నట్లు గుర్తించారు.

 పొన్నూరు నేటి దినపత్రిక సూర్య రిపోర్టర్:- శిలార్