విద్యార్థులకు ఎన్నికలపై అవగాహన - కాగజ్‌నగర్‌లో క్విజ్, వ్యాసరచన పోటీలు

సూర్య,  కాగజ్‌నగర్: ప్రజాస్వామ్యంలో ఓటు హక్కు ప్రాధాన్యతను విద్యార్థులకు తెలియజేసేందుకు భారత ఎన్నికల సంఘం ఆధ్వర్యంలో గురువారం కాగజ్‌నగర్ డివిజన్ స్థాయి క్విజ్, వ్యాసరచన పోటీలు నిర్వహించారు. డివిజన్ పరిధిలోని ఏడు మండలాలకు చెందిన ప్రభుత్వ, ప్రైవేటు పాఠశాలలు, కళాశాలల విద్యార్థులు ఉత్సాహంగా పాల్గొన్నారు.ఓటు హక్కు, ఓటరు జాబితా, ఈవీఎంలు, వీవీప్యాట్, పోలింగ్ ప్రక్రియ తదితర అంశాలపై పోటీలు నిర్వహించారు. ప్రతిభ కనబరిచిన క్విజ్, వ్యాసరచన విభాగాల్లో 20 మంది విద్యార్థులను ఈ నెల 17న ఆసిఫాబాద్‌లో జరిగే జిల్లా స్థాయి పోటీలకు ఎంపిక చేశారు.కార్యక్రమానికి ముఖ్య అతిథిగా సబ్ కలెక్టర్ హర్ష్ చౌదరి హాజరై విజేతలకు ప్రశంసాపత్రాలు, బహుమతులు అందజేశారు. ఈ కార్యక్రమంలో అధికారులు, పోటీల నిర్వాహకులు మామిడాల తిరుపతయ్య, దుర్గం మోహన్, శశికాంత్, దామోదర్ పాల్గొన్నారు.