దాద్‌పల్లిలో స్మార్ట్ రేషన్ కార్డుల పంపిణీ
మంచాల, మేజర్ న్యూస : ప్రజాపంపిణీ వ్యవస్థలో పారదర్శకతను పెంపొందించడంతో పాటు ప్రభుత్వ సంక్షేమ పథకాలు అర్హులైన లబ్ధిదారులకు చేరేలా రాష్ట్ర ప్రభుత్వం ప్రవేశపెట్టిన స్మార్ట్ రేషన్ కార్డుల పంపిణీ కార్యక్రమం మంచాల మండలం దాద్‌పల్లి గ్రామంలో నిర్వహించారు. గ్రామ సర్పంచ్ నేనావత్ శాంతి రాజు నాయక్, ఉపసర్పంచ్, వార్డు సభ్యులు, అధికారులతో కలిసి ఎమ్మెల్యే మల్‌రెడ్డి రంగారెడ్డి తనయుడు అభిషేక్ రెడ్డి లబ్ధిదారులకు స్మార్ట్ రేషన్ కార్డులను పంపిణీ చేశారు. ఈ సందర్భంగా ఆయన మాట్లాడుతూ.. ప్రజాపంపిణీ వ్యవస్థలో మరింత పారదర్శకత తీసుకురావడంతో పాటు రేషన్ సరుకుల పంపిణీలో అక్రమాలకు అడ్డుకట్ట వేసేందుకు స్మార్ట్ రేషన్ కార్డులు దోహదపడతాయని తెలిపారు. ఈ కార్యక్రమంలో కాంగ్రెస్ పార్టీ మండల అధ్యక్షుడు ఎడ్మ నరేందర్ రెడ్డి, ఉపసర్పంచ్ కావేటి నరసింహారావు, వార్డు సభ్యులు పాల్తే లక్ష్మణ్, నేనావత్ పార్వతి రాజేందర్, హీరా పావని, మాజీ ప్రజాప్రతినిధులు, గ్రామ ప్రజలు తదితరులు పాల్గొన్నారు.
✍️ఎర్ర లింగం, మేజర్ న్యూస్, మంచాల, రంగారెడ్డి జిల్లా
