దీపావళికి మలబార్‌ గోల్డ్‌ ప్రత్యేక ఆఫర్లు బంగారం, రత్నాభరణాల తరుగు చార్జీలపై 30 శాతం రాయితీ
రాయదుర్గం,మేజర్ న్యూస్ : దీపావళి పండుగను పురస్కరించుకుని మలబార్‌ గోల్డ్‌ అండ్‌ డైమండ్స్‌ ప్రత్యేక ఆఫర్లను ప్రకటించింది. బంగారం, అన్‌కట్‌, రత్నాభరణాల తరుగు చార్జీలపై 30 శాతం వరకు, వజ్రాభరణాల విలువపై 30 శాతం వరకు రాయితీ అందిస్తోంది. ఈ ఆఫర్లు నవంబరు 15 వరకు అందుబాటులో ఉంటాయని సంస్థ తెలిపింది.ధనత్రయోదశి సందర్భంగా ఆభరణాల కొనుగోలు విలువలో 10 శాతం ముందుగా చెల్లించి బుకింగ్‌ చేసుకోవచ్చని పేర్కొంది. కొనుగోలు సమయంలో బుకింగ్‌ నాటి బంగారం ధర లేదా అప్పటి మార్కెట్‌ ధర.. ఈ రెండింటిలో తక్కువ ధర వర్తిస్తుందని వెల్లడించింది.ఈ సందర్భంగా మలబార్‌ గ్రూప్‌ చైర్మన్‌ ఎం.పి. అహ్మద్‌ మాట్లాడుతూ.. పండుగ వేళ వినియోగదారులకు ఆభరణాల కొనుగోలును మరింత సంతోషదాయకంగా మార్చేందుకు ప్రత్యేక రాయితీలు అందిస్తున్నట్లు తెలిపారు. దేశవ్యాప్తంగా అన్ని షోరూంలలో ఒకే బంగారం ధర విధానాన్ని అమలు చేస్తున్నామని, హెచ్‌యూఐడీ హాల్‌మార్క్‌ ఆభరణాలను అందిస్తున్నామని పేర్కొన్నారు. ఆఫర్లు, నిబంధనలు వర్తిస్తాయని సంస్థ స్పష్టం చేసింది.
