దట్టమైన పొగమంచుతో ప్రయాణికులకు ఇబ్బందులు
సూర్య ఎండపల్లి: జగిత్యాల జిల్లా ఎండపల్లి మండలంలో ఆదివారం తెల్లవారుజాము నుంచే దట్టమైన పొగమంచు కమ్ముకుంది. ఉదయం 7 గంటల సమయంలో పొలాలు, చెట్లు, రహదారులు మంచు దుప్పటి కప్పుకున్నట్లుగా కనిపించి కనువిందు చేశాయి. మంచు బిందువులు ప్రకృతి అందాలను మరింత ఆకర్షణీయంగా మార్చాయి. మరోవైపు పెరుగుతున్న చలితో రైతులు, కూలీలు ఇబ్బందులు పడుతున్నారు. పొగమంచు కారణంగా రహదారులపై ఎదురుగా వచ్చే వాహనాలు కనిపించకపోవడంతో వాహనదారులు హెడ్లైట్లు వెలిగించి, నెమ్మదిగా ప్రయాణించాలని, ప్రమాదాల నివారణకు అప్రమత్తంగా ఉండాలని సూచిస్తున్నారు.