చేవెళ్ల మండల వార్డ్ మెంబర్స్ ఫోరం అధ్యక్షుడిగా చనగళ్ల శ్రీకాంత్
వార్డ్ మెంబర్ల సమస్యల పరిష్కారానికి కృషి చేస్తా: శ్రీకాంత్
చేవెళ్ల: తెలంగాణ వార్డ్ మెంబర్స్ ఫోరం చేవెళ్ల మండల అధ్యక్షుడిగా చనగళ్ల శ్రీకాంత్ నియమితులయ్యారు. ఈ మేరకు శనివారం బోడుపల్‌లో నిర్వహించిన కార్యక్రమంలో ఫోరం రాష్ట్ర అధ్యక్షురాలు నాగబెల్లి జ్యోతి, రంగారెడ్డి జిల్లా ఇన్‌చార్జి గ్యార సురేష్ ఆయనకు నియామక పత్రాన్ని అందజేశారు.
ఈ సందర్భంగా నాగబెల్లి జ్యోతి, గ్యార సురేష్ మాట్లాడుతూ వార్డ్ మెంబర్ల సమస్యల పరిష్కారానికి, వారి హక్కుల సాధనకు తెలంగాణ వార్డ్ మెంబర్స్ ఫోరం ఎల్లప్పుడూ అండగా ఉంటుందని తెలిపారు. చేవెళ్ల మండలంలో ఫోరంను మరింత బలోపేతం చేయడంలో చనగళ్ల శ్రీకాంత్ కీలక పాత్ర పోషిస్తారని ఆశాభావం వ్యక్తం చేశారు. మండలంలోని వార్డ్ మెంబర్లందరినీ ఏకతాటిపైకి తీసుకువచ్చి, వారి సమస్యలను సంబంధిత అధికారుల దృష్టికి తీసుకెళ్లాలని సూచించారు.
బాధ్యతలను సమర్థంగా నిర్వహిస్తా
మండల అధ్యక్షుడిగా నియమితులైన చనగళ్ల శ్రీకాంత్ మాట్లాడుతూ తనపై నమ్మకంతో బాధ్యతలు అప్పగించిన రాష్ట్ర అధ్యక్షురాలు నాగబెల్లి జ్యోతి, జిల్లా ఇన్‌చార్జి గ్యార సురేష్‌తో పాటు రాష్ట్ర, జిల్లా నాయకులకు కృతజ్ఞతలు తెలిపారు. చేవెళ్ల మండలంలోని వార్డ్ మెంబర్ల సమస్యల పరిష్కారానికి, గ్రామస్థాయిలో వారి హక్కుల పరిరక్షణకు శక్తివంచన లేకుండా కృషి చేస్తానని హామీ ఇచ్చారు. ఫోరం బలోపేతానికి కృషి చేస్తూ వార్డ్ మెంబర్లకు అందుబాటులో ఉంటానని పేర్కొన్నారు.
