చేవెళ్ల కాంగ్రెస్ పార్టీ లీగల్ సెల్ చైర్మన్‌గా మహేందర్ నందారి నియామకం
చేవెళ్ల: తెలంగాణ ప్రదేశ్ కాంగ్రెస్ కమిటీ (టీపీసీసీ) లీగల్, హ్యూమన్ రైట్స్ అండ్ ఆర్టీఐ విభాగం చేవెళ్ల నియోజకవర్గ లీగల్ సెల్ చైర్మన్‌గా అడ్వకేట్ మహేందర్ నందారిని నియమించింది. ఈ మేరకు టీపీసీసీ లీగల్ సెల్ వైస్ చైర్మన్ అడ్వకేట్ బి. యాది రెడ్డి అక్టోబర్ 30న నియామక ఉత్తర్వులు జారీ చేశారు.
ఈ సందర్భంగా మహేందర్ నందారి చేవెళ్ల నియోజకవర్గంలో కాంగ్రెస్ పార్టీ బలోపేతానికి కృషి చేయాలని, పార్టీ నాయకత్వాన్ని మరింత బలోపేతం చేసే దిశగా నిరంతరం పనిచేయాలని నియామక పత్రంలో పేర్కొన్నారు. కాంగ్రెస్ అగ్రనేతలు సోనియా గాంధీ, రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గే, తెలంగాణ ముఖ్యమంత్రి, టీపీసీసీ అధ్యక్షుడు ఎ. రేవంత్ రెడ్డి నాయకత్వంలో పార్టీ అభివృద్ధికి కృషి చేయాలని సూచించారు.
తనపై నమ్మకంతో కీలక బాధ్యతలు అప్పగించిన పార్టీ నాయకత్వానికి మహేందర్ నందారి కృతజ్ఞతలు తెలిపారు. లీగల్ సెల్ ద్వారా పార్టీకి, ప్రజలకు సేవలందిస్తూ చేవెళ్ల నియోజకవర్గంలో కాంగ్రెస్ పార్టీ బలోపేతానికి కృషి చేస్తారని పార్టీ శ్రేణులు ఆశాభావం వ్యక్తం చేస్తున్నారు.
