చెన్నారెడ్డిగూడలో స్మార్ట్ రేషన్ కార్డుల పంపిణీ

**చెన్నారెడ్డిగూడలో స్మార్ట్‌ రేషన్‌ కార్డుల పంపిణీ**

మంచాల: అర్హులైన పేదలందరికీ సంక్షేమ పథకాలు అందించడమే కాంగ్రెస్‌ ప్రభుత్వ లక్ష్యమని మంచాల వ్యవసాయ సహకార సంఘం డైరెక్టర్‌ జెనిగే వెంకటేష్‌ యాదవ్‌ అన్నారు. ఆదివారం  మండలంలోని చెన్నారెడ్డిగూడ గ్రామంలో జీపీఓ సువాసిని ఆధ్వర్యంలో స్మార్ట్‌ రేషన్‌ కార్డులను పంపిణీ చేశారు. ఈ సందర్భంగా వెంకటేష్‌ యాదవ్‌ మాట్లాడుతూ.. ఎమ్మెల్యే మల్‌రెడ్డి రంగారెడ్డి సహకారంతో అర్హులకు ఇందిరమ్మ ఇళ్లు, రేషన్‌ కార్డులు, పింఛన్లు అందేలా కృషి చేస్తామని తెలిపారు. కార్యక్రమంలో మాజీ సర్పంచ్‌ కిషన్‌ నాయక్‌, గ్రామ వార్డు సభ్యులు, ఇందిరమ్మ కమిటీ సభ్యులు తదితరులు పాల్గొన్నారు.

✍️ఎర్ర లింగం, మేజర్ న్యూస్, మంచాల