చదువుతో పాటు క్రీడలు ముఖ్యమే!

నారాయణ పాఠశాలలో ఘనంగా నారాయణ ప్రీమియం లీగ్ స్పోర్ట్స్ నిర్వహణ

శంకర్ పల్లి : విద్యార్థులకు చదువుతో పాటు క్రీడలు కూడా ముఖ్యమని శంకర్పల్లి ఎంఈఓ రవీందర్, ఎస్సై సురేష్ లు అన్నారు. శనివారం రోజున శంకర్ పల్లి లోని నారాయణ పాఠశాలలో నారాయణ ప్రీమియం లీగ్ స్పోర్ట్స్ కార్యక్రమం నిర్వహించారు. ఈ కార్యక్రమంలో పాల్గొని మాట్లాడుతూ విద్యార్థులు ఆటలు ఆడితేనే శారీరక వ్యాయామంతో పాటు మానసిక ఆనందం కలుగుతుందని అన్నారు. విద్యార్థులకు చదువుతోపాటు క్రీడలకు కూడా ఉపాధ్యాయులు ప్రాధాన్యత ఇవ్వాలని సూచించారు. మండల ప్రైవేటు స్కూల్స్ అసోసియేషన్ చైర్మన్ శశిధర్ రెడ్డి మాట్లాడుతూ నారాయణ పాఠశాలలో నారాయణ ప్రీమియం లీగ్ సందర్భంగా శంకర్పల్లి తో పాటు వికారాబాద్, సంగారెడ్డి, తాండూర్ పాఠశాలల విద్యార్థులను కలుపుకొని ఇక్కడ పోటీలు నిర్వహించడం సంతోషకరమైన అన్నారు. ఇలాగే శంకరపల్లి మండలంలోని అన్ని స్కూల్స్ లోని విద్యార్థులకు సంవత్సరానికి ఒకసారి కలిపి స్పోర్ట్స్ నిర్వహించాలని ఎంఈవోను కోరారు. ఉపాధ్యాయులు విద్యార్థులకు చదువుతోపాటు క్రీడల పట్ల కూడా ప్రాధాన్యత ఇవ్వాలని అన్నారు. జిఎం గోపాల్ రెడ్డి, డీజీఎం వల్లి కుమార్ మాట్లాడుతూ ఆటల్లో గెలుపు, ఓటములు సహజమని అన్నారు. గెలుపొందిన విద్యార్థులకు బహుమతులు అందజేశారు. నారాయణ విద్యాసంస్థల్లో చదువుతోపాటు క్రీడలకు కూడా అత్యంత ప్రాధాన్యత ఇస్తారని అన్నారు. ఈ కార్యక్రమంలో వికారాబాద్ జోన్  ప్రిన్సిపల్ దివ్య, తెరిసా జాన్సన్, అశోక్, భవ్య, వికారాబాద్ జోన్ కోఆర్డినేటర్ కనకరాజు, సమతా రాణి, ఆఫ్రిన్, వికారాబాద్ జోన్ అకాడమిక్ డిన్స్ సంగమేశ్వర్, అశోక్, శ్రీకాంత్, ఏవోలు రాజేందర్ రెడ్డి, రమేష్, భీమయ్య, పి ఈ టి లు, ఉపాధ్యాయులు మరియు విద్యార్థులు తదితరులు పాల్గొన్నారు.

మాడిశెట్టి రాజశేఖర్, మేజర్ న్యూస్ :శంకర్పల్లి