బ్రహ్మగిరి క్షేత్రంలో శ్రీ లలితా త్రిపుర సుందరీ దేవి అలంకరణ

చేవెళ్ల: శరన్నవరాత్రి ఉత్సవాల్లో భాగంగా ఐదవ రోజు బ్రహ్మగిరి క్షేత్రం, చేవెళ్లలో శ్రీ లలితా త్రిపుర సుందరీ దేవి అలంకరణ భక్తులను ఆకట్టుకుంది. ఈ సందర్భంగా ఆలయంలో ప్రత్యేక పూజా కార్యక్రమాలను భక్తిశ్రద్ధలతో నిర్వహించారు.

ఉదయం అమ్మవారికి పంచామృత అభిషేకాలు నిర్వహించి, కుంకుమ అలంకరణతో విశేషంగా అలంకరించారు. అనంతరం శ్రీచక్ర కుంకుమార్చన, అమ్మవారి అష్టోత్తర శతనామావళి పఠనం నిర్వహించారు. చివరిగా మహా మంగళహారతి సమర్పించి పూజా కార్యక్రమాలను ముగించారు.

శరన్నవరాత్రుల సందర్భంగా అమ్మవారిని దర్శించుకునేందుకు భక్తులు ఆసక్తి చూపుతున్నారు. అమ్మవారి కృపాకటాక్షాలు అందరిపై ఉండాలని భక్తులు ప్రార్థించారు. ఆలయంలో నిర్వహించిన ప్రత్యేక పూజా కార్యక్రమాలతో ఆధ్యాత్మిక వాతావరణం నెలకొంది.

(చేవెళ్ల - మేజర్ న్యూస్)