భారత్ సమ్మిట్ ను వ్యతిరేకిస్తూ రాహుల్ గాంధీ దిష్టిబొమ్మ దహనం

సూర్య జగిత్యాల ప్రతినిధి: తెలంగాణ రాష్ట్రం పెట్టుబడులకు అనుకూలమైన రాష్ట్రమని ప్రపంచానికి చూపించడం కోసం భారత వ్యతిరేక శక్తులతో ఏర్పాటు చేసిన భారత్ సమ్మిట్ సమావేశాన్ని వ్యతిరేకిస్తూ జగిత్యాల జిల్లా కేంద్రంలోని తహసిల్ చౌరస్తాలో రాహుల్ గాంధీ దిష్టిబొమ్మ దగ్ధం చేశారు.ఈ సందర్భంగా బిజెపి జిల్లా అధ్యక్షులు రాచకొండ యాదగిరి మాట్లాడుతూ భారత్ సమ్మిట్ సమావేశంలో పెట్టుబడుల కోసం కాకుండా ప్రజాస్వామ్యం, సామాజిక,ఆర్థిక న్యాయం, యువత, జెన్ జెడ్, సర్ ప్రక్రియ, లాంటి మొదలగు అంశాలు చర్చకు పెట్టి దేశంలో జాతీయ సమైక్యతకు భంగం కలిగించే ప్రక్రియకు రేవంత్ రెడ్డి శ్రీకారం చుట్టి విదేశాల నుండి 1000 మంది ప్రతి నిదులను ఆహ్వానించి ఏ రాజ్యాంగబద్ధమైన ఉన్నత పదవిలో లేని రాహుల్ గాంధీని ముఖ్య అతిథిగా పిలిచి కాంగ్రెస్ పార్టీ ప్రచారానికి వాడుకోవాలని చూస్తుందని విమర్శించారు.ఈ కార్యక్రమంలో జగత్యాల పట్టణ అధ్యక్షులు కాశెటి తిరుపతి, జిల్లా ప్రధాన కార్యదర్శి పిల్లి శ్రీనివాస్, జిల్లా పదాధికారులు, జిల్లా మోర్చా అధ్యక్షులు,ఫ్లోర్ లీడర్స్ వేముల శ్రీనివాస్,సిరిపురం శ్రీనివాస్, స్వరూప వేణుగోపాల్, మండల అధ్యక్షులు, పట్టణ అధ్యక్షులు, ప్రజా ప్రతినిధులు, నాయకులు, కార్యకర్తలు పాల్గొన్నారు