బీజేపీ నాయకుల అక్రమ అరెస్టులను తీవ్రంగా ఖండిస్తున్నాం – మల్లేష్ గంగ్వార్

న్యాల్కల్ ;కాంగ్రెస్ అగ్రనేత రాహుల్ గాంధీ హైదరాబాద్ పర్యటన సందర్భంగా బీజేపీ నాయకులను పోలీసులు అరెస్టు చేయడాన్ని న్యాల్కల్ మండల బీజేపీ అధ్యక్షులు మల్లేష్ గంగ్వార్ తీవ్రంగా ఖండించారు.న్యాల్కల్ మండల బీజేపీ అధ్యక్షులు మల్లేష్ గంగ్వార్, బీజేపీ జిల్లా నాయకులు మధుసూదన్ రెడ్డి, మండల సీనియర్ నాయకులు వీరారెడ్డి, ఆనంద్ రెడ్డిలను పోలీసులు అరెస్టు చేసి హద్నూర్ పోలీస్ స్టేషన్‌కు తరలించారు.ఎలాంటి తప్పు చేయని బీజేపీ నాయకులను ముందస్తు చర్యల పేరుతో అరెస్టు చేయడం ప్రజాస్వామ్య హక్కులను కాలరాయడమేనని ఆయన అన్నారు. ప్రతిపక్ష నాయకుల గొంతు నొక్కేందుకు పోలీసు వ్యవస్థను ఉపయోగించుకోవడం కాంగ్రెస్ ప్రభుత్వ నిరంకుశ వైఖరికి నిదర్శనమని విమర్శించారు.ప్రజాస్వామ్యంలో ప్రతి ఒక్కరికీ తమ అభిప్రాయాలను వ్యక్తపరిచే హక్కు, నిరసన తెలిపే హక్కు ఉన్నాయని, ఆ హక్కులను కాలరాసే విధంగా వ్యవహరించడం సరికాదని అన్నారు. రాజకీయ కక్ష సాధింపు చర్యలను మానుకొని, అరెస్టు చేసిన బీజేపీ నాయకులను వెంటనే విడుదల చేయాలని డిమాండ్ చేశారు.అక్రమ అరెస్టులతో బీజేపీ నాయకుల పోరాట స్ఫూర్తిని అణచివేయలేరని, ప్రజల పక్షాన, ప్రజాస్వామ్య పరిరక్షణ కోసం తమ పోరాటం నిరంతరం కొనసాగుతుందని హెచ్చరించారు.