బరోడా బ్యాంకును జఫర్ ఘడ్ కు తరలించండి

జఫర్ ఘడ్, మేజర్ న్యూస్, జఫర్గడ్ మండలానికి చెందిన బరోడా బ్యాంక్ బ్రాంచ్ గత కొన్ని సంవత్సరాలుగా ఘణపురం కి బదిలీ కావడంతో గ్రామస్తులు మండల ప్రజలు తీవ్ర ఇబ్బందులకు గురవుతున్నారని వెంటనే జఫర్గడ్ గ్రామానికి తరలించాలని హైదరాబాద్ హెడ్ ఆఫీస్ లో తెలంగాణ డీజీఎం  సానిల్ ని కలిసి జఫర్గడ్ ఉపసర్పంచ్ కొత్వాల్ కుమార్ గ్రామస్తుల సంతకాలతో కూడిన వినతి పత్రాన్ని సమర్పించారు. ఈ సందర్భంగా ఆయన మాట్లాడుతూ మన గ్రామంలో సంతకాల సేకరణ చేసినటువంటి పత్రాన్ని ఇవ్వడం జరిగినది. వారు సానుకూలంగా స్పందించి ఒక నాలుగు ఐదు రోజులలో మన జఫర్గడ్ గ్రామంకి విచ్చేసి స్థల మరియు బిల్డింగ్ పరిశీలన చేసి బ్యాంకు వచ్చే విధంగా కృషి చేస్తానని తెలిపినట్లు తెలిపారు. ఈ కార్యక్రమంలో మామిండ్లపెళ్ళి బ్రహ్మం తదితరులు పాల్గొన్నారు.

రిపోర్టర్ సురేష్; జాఫర్ గడ్, జనగామ జిల్లా