ఔటర్ రింగు రోడ్డు సమీపంలో ఘోర ప్రమాదం.. ఇంటర్ విద్యార్థి దుర్మరణం

కీసర, మేజర్ న్యూస్: ఔటర్ రింగు రోడ్డు సమీపంలో శుక్రవారం జరిగిన ఘోర రోడ్డు ప్రమాదంలో 18 ఏళ్ల ఇంటర్మీడియట్ విద్యార్థి అక్కడికక్కడే మృతి చెందాడు. వివరాల్లోకి వెళ్తే.. కాప్రా ప్రాంతానికి చెందిన ధీరవత్ సూర్య ప్రకాష్ (18) ఇంటర్మీడియట్ ద్వితీయ సంవత్సరం చదువుతున్నాడు. శుక్రవారం ద్విచక్ర వాహనంపై కీసర వైపు వెళ్తుండగా ఔటర్ రింగు రోడ్డు సమీపంలో టిప్పర్ లారీ ఢీకొట్టినట్లు స్థానికులు తెలిపారు. ఈ ప్రమాదంలో తీవ్ర గాయాలపాలైన సూర్య ప్రకాష్ అక్కడికక్కడే ప్రాణాలు కోల్పోయాడు. సమాచారం అందుకున్న కీసర పోలీసులు వెంటనే సంఘటనా స్థలానికి చేరుకుని వివరాలు సేకరించారు. ప్రమాదానికి గల కారణాలపై విచారణ చేపట్టారు. చదువుకుంటూ భవిష్యత్తుపై ఎన్నో ఆశలు పెట్టుకున్న యువకుడు చిన్న వయసులోనే మృత్యువాత పడటంతో కుటుంబ సభ్యులు, స్థానికులు తీవ్ర విషాదంలో మునిగిపోయారు. ప్రమాదానికి సంబంధించిన పూర్తి వివరాలు పోలీసుల విచారణలో వెల్లడికావాల్సి ఉంది.