అభివృద్ధి బాటలో కాకర్లపహాడ్ గ్రామం
నవాబుపేట సూర్య న్యూస్: మండలంలోని కాకర్లపహాడ్ గ్రామంలో శుక్రవారం అభివృద్ధి పనులకు సర్పంచ్ బాలయ్య శ్రీకారం చుట్టారు.గ్రామంలోని 5వ,వార్డులో సోమగాని వెంకటమ్మ ఇంటి నుంచి అంకం జంగయ్య ఇంటి వరకు చేపట్టనున్న మురుగునీటి కాలువ (అండర్ డ్రైనేజీ)నిర్మాణ పనులను సర్పంచ్ బాలయ్య,పంచాయతీ కార్యదర్శి శ్రీలత,ఉపసర్పంచ్ అంబేద్కర్,వార్డు సభ్యులు రమేష్ నాయక్,అమరేందర్ కొబ్బరికాయ కొట్టి ప్రారంభించారు.అనంతరం గ్రామపంచాయతీ కార్యాలయంలో ఇందిరమ్మ జీవిత బీమా పథకానికి సంబంధించిన పోస్టర్ను ఆవిష్కరించారు.ఈ కార్యక్రమంలో ఇందిరమ్మ కమిటీ సభ్యులు నారాయణరెడ్డి,నవాబుపేట మండల కాంగ్రెస్ పార్టీ ప్రధాన కార్యదర్శి బక్క బాలయ్య,మాజీ సర్పంచ్ ఊశన్న,గ్రామ పెద్దలు ఎండీ సత్తార్,సాయిలు,యువకులు యాదయ్య,గోపాల్,నరసింహ తదితరులు పాల్గొన్నారు.