హిమాయత్ నగర్, మేజర్ న్యూస్ : భారత మాజీ ప్రధాని ఇందిరాగాంధీ జయంతి సందర్భంగా మాజీ మంత్రి దానం నాగేందర్ హిమాయత్ నగర్ కు చెందిన పలువురికి చేయూత పెన్షన్, ఇందిర బీమా యోజన పథకాన్ని అందజేశారు. గురువారం రాష్ట్ర ప్రభుత్వం ప్రతిష్టాత్మకంగా ప్రారంభించిన ఈ పథకాలను మాజీ మంత్రివర్యులు దానం నాగేందర్ ఆధ్వర్యంలో బంజారాహిల్స్ లోని సేవాలాల్ భవన్లో మంత్రి సీతక్క, మాజీ కార్పొరేటర్ గడ్డం మహాలక్ష్మి రామన్ గౌడ్ లతో కలిసి ప్రారంభించి అర్హులకు అందించారు. హిమాయత్ నగర్ మాజీ కార్పొరేటర్ మహాలక్ష్మి రామన్ గౌడ్ ఆధ్వర్యంలో డివిజన్ కు చెందిన దాదాపు 300 మంది సేవాలాల్ భవనానికి తరలి వెళ్లారు. ఈ వేడుకల్లో దానం నాగేందర్ మాట్లాడుతూ మాజీ ప్రధాని ఇందిరమ్మ గరీబీ హటావో అనే నినాదాన్ని ఆదర్శంగా తీసుకొని రాష్ట్రంలోని పేదల కోసం ముఖ్యమంత్రి రేవంత్ రెడ్డి ప్రజా పాలన అందిస్తున్నారని తెలిపారు. ఇందిర బీమా యోజనను అర్హులైన పేదలందరికీ హిమాయత్ నగర్ లో అందిస్తానని అన్నారు. ఈ కార్యక్రమంలో హిమాయత్ నగర్ డివిజన్ కాంగ్రెస్ నాయకులు పెద్ద ఎత్తున పాల్గొనడం జరిగింది.