ఆటో డ్రైవర్పై హత్యాయత్నం.. ముగ్గురి అరెస్ట్ రిమాండ్ కు తరలింపు
చందానగర్,మేజర్ న్యూస్ : హత్యాయత్నం కేసులో ముగ్గురు నిందితులను చందానగర్ పోలీసులు అరెస్టు చేసి రిమాండ్కు తరలించారు. పోలీసుల వివరాల ప్రకారం.. ఈ నెల 1వ తేదీ రాత్రి 11.25 గంటల సమయంలో లింగంపల్లి రైతుబజార్ యూటర్న్ వద్ద ఈ ఘటన చోటుచేసుకుంది.మెహదీపట్నం నుంచి లింగంపల్లి రైల్వేస్టేషన్కు ప్రయాణికుడిని ఆటోలో తీసుకెళ్తున్న ముస్లాపురం రాజు రైతుబజార్ యూటర్న్ వద్ద ఆటోను మలుపు తిప్పుతుండగా, బైక్పై వచ్చిన ఓ వ్యక్తి ఆటోను అడ్డగించాడు. ఎందుకు ఆటో ఆపావంటూ డ్రైవర్తో వాగ్వాదానికి దిగి, ఆటో తాళం తీసుకుని దాడికి పాల్పడ్డాడు. అంతటితో ఆగకుండా తన పై ఎవరికి ఫిర్యాదు చేసినా ఏమీ చేయలేరంటూ బెదిరించాడు.అనంతరం తన స్నేహితులైన రాహుల్, రాజేష్, రమణలను అక్కడికి పిలిపించాడు. వారంతా కలిసి రాజు పై రాళ్లతో దాడి చేయడంతో తల, ముఖంపై తీవ్ర గాయాలయ్యాయి. ఈ ఘటనపై బాధితుడి భార్య ముస్లాపురం కవిత ఇచ్చిన ఫిర్యాదు మేరకు చందానగర్ పోలీసులు కేసు నమోదు చేసి దర్యాప్తు చేపట్టారు.