BREAKING
ఐటీఐ టాపర్లను సత్కరించనున్న ప్రధాని మోదీ తెలంగాణ ప్రభుత్వ సలహాదారులు పి సుదర్శన్ రెడ్డి కి స్వాగతం పలికిన బోథ్ నియోజకవర్గ కాంగ్రెస్ పార్టీ ఇంచార్జి ఆడే గజేందర్ ఘనంగా కార్తీక శుద్ధ ఏకాదశి భజన కార్యక్రమం. 26 ఏళ్లుగా భక్తిశ్రద్ధలతో శ్రీ మహావిష్ణువుకు ప్రత్యేక పూజలు. వికసిత్ భారత్ లక్ష్యంగా ఐఐటీ ఖరగ్‌పూర్ విద్యార్థులతో ప్రధాని మోదీ ముఖాముఖి మత్స్యకారుల ఐక్యతతోనే హక్కుల సాధన ఐఐటీ ఖరగ్‌పూర్‌కు గూగుల్ రూ.46 కోట్ల భారీ నిధులు కొండగట్టు అంజన్న నిజరూప దర్శనం...క్షణాల్లోనే అంజన్న నిజ స్వరూప ఫోటో వైరల్ .. రీజినల్ రింగ్ రోడ్డు, జాతీయ రహదారుల భూసేకరణ ప్రక్రియను త్వరితగతిన పూర్తి చెయ్యాలి యోగాతో మానసిక ప్రశాంతత ఎంతగానో ఉపయోగపడుతుంది - బ్రహ్మ జ్ఞాన భారత సత్య సంస్థాపకులు గోకులం శంకరాచార్యులు బీహార్ అభివృద్ధికి భారీ ఊతం పాట్నా విమానాశ్రయంలో నితీష్ కుమార్‌తో భేటీ మానసిక వికలాంగుల పిల్లలకు అందిస్తున్న సేవలు అభినందనీయం - జిల్లా కలెక్టర్ చిత్రా మిశ్రా - ఉచిత కంటి అద్దాల పంపిణీ మహా పాదయాత్రను జయప్రదం చేయండి కాంగ్రెస్ అసత్య ప్రచారాలతో దేశ ప్రతిష్టకు భంగం - బీజేపీ రాష్ట్ర ఉపాధ్యక్షురాలు మూగ జయశ్రీ వైశాలిలో నితీష్ సేతు వంతెన ప్రారంభించిన ప్రధాని మోదీ

ఆపద వేళ కుటుంబానికి రూ.5 లక్షల బీమా భరోసా - నెల రోజుల పాటు కొనసాగింపు

Select Suryaa Now
ఆపద వేళ కుటుంబానికి రూ.5 లక్షల బీమా భరోసా - నెల రోజుల పాటు కొనసాగింపు
సూర్య కరీంనగర్ ప్రతినిధి : కరీంనగర్ జిల్లాలో ఇందిరమ్మ కుటుంబ జీవిత బీమా పథకం నమోదు శిబిరాలు శుక్రవారం ప్రారంభమయ్యాయని జిల్లా కలెక్టర్ చిత్రా మిశ్రా తెలిపారు. జిల్లాలోని గ్రామపంచాయతీలు, మున్సిపల్ వార్డుల్లో నెల రోజుల పాటు శిబిరాలు నిర్వహించి అర్హుల వివరాలు నమోదు చేస్తామన్నారు. కుటుంబానికి ఒకరికి మాత్రమే రూ.5 లక్షల జీవిత బీమా కల్పిస్తామని, బీమా పొందిన వ్యక్తి మరణిస్తే నామినీలకు పరిహారం అందుతుందని తెలిపారు. 18 నుంచి 59 ఏళ్లలోపు వారు అర్హులని, ఇతర ప్రభుత్వ బీమా పథకాల లబ్ధిదారులు సైతం దరఖాస్తు చేసుకోవచ్చన్నారు. కుటుంబంలో ఎవరికి బీమా కల్పించాలి, నామినీలకు ఎంత వాటా కేటాయించాలి అనేది కుటుంబమే నిర్ణయించుకోవచ్చని పేర్కొన్నారు. నామినీల వాటాలు మొత్తం 100 శాతం ఉండాలని, మైనర్లకు నామినీగా అవకాశం కల్పిస్తే అపాయింటీని నమోదు చేయాలని సూచించారు.జిల్లాలో 3,49,125 ఆహార భద్రత కార్డు కుటుంబాలు ఉన్నాయని, శనివారం వరకు 30,931 దరఖాస్తుల వివరాలు నమోదు చేసినట్లు తెలిపారు. శిబిరాలు ఉదయం 9 నుంచి సాయంత్రం 6 గంటల వరకు కొనసాగుతాయని, ఆధార్, రేషన్ కార్డు, మొబైల్ నంబర్ తీసుకురావాలని సూచించారు. తెలంగాణ రేషన్ కార్డుదారులు ఇతర జిల్లాల్లో ఉన్నా సమీప శిబిరాల్లో నమోదు చేసుకోవచ్చని, ఈ-కేవైసీ పెండింగ్ ఉన్నవారు రేషన్ దుకాణాల్లో పూర్తి చేసుకోవాలని తెలిపారు. ఒక రేషన్ కార్డుకు ఒక దరఖాస్తు మాత్రమే స్వీకరిస్తామని, వివరాలను పరిశీలించి ఆన్‌లైన్‌లో నమోదు చేసిన అనంతరం ట్రాన్సాక్షన్ ఐడీతో ఎస్ఎంఎస్ పంపిస్తామని పేర్కొన్నారు. భౌతిక దరఖాస్తులు, రశీదులు ఉండవని, కౌంటర్ రిజిస్టర్‌లో వివరాలు నమోదు చేసి సంతకం తీసుకుంటామని తెలిపారు. సమస్యల పరిష్కారానికి హెల్ప్‌డెస్క్ ఏర్పాటు చేస్తామని, రేషన్ కార్డులు లేని కుటుంబాలకు నమోదు అవకాశం కల్పించనున్నట్లు వివరించారు. అర్హులందరూ శిబిరాలను సద్వినియోగం చేసుకోవాలని కలెక్టర్ కోరారు.