తెల్లవారుజామున పొలం బాట పట్టిన రైతు.. తిరిగిరాని లోకానికి పయనం…

ఫరూఖ్ నగర్ మండలం దేవునిబండ తండాలో విషాదం చోటుచేసుకుంది. వరి పంటను చూసుకుందామని తెల్లవారుజామున పొలానికి వెళ్లిన యువ రైతు విద్యుదాఘాతంతో ప్రాణాలు కోల్పోయాడు. మృతుడు మూడవత్ బాలు (42). ప్రతిరోజూ మాదిరిగానే బుధవారం ఉదయం 5 గంటలకు పొలం వద్దకు వెళ్లాడు. వరి చేనులో నడుస్తుండగా తెగిపడి ఉన్న విద్యుత్ వైర్లు ప్రమాదవశాత్తు కాళ్లకు తాకడంతో అక్కడికక్కడే కుప్పకూలి మృతి చెందాడు. బాలు మృతితో కుటుంబంలో తీవ్ర విషాదం నెలకొంది. పొలం బాట పట్టిన తిరిగిరాని లోకాలకు పయనమై వెళ్ళాడని గ్రామస్తులు కుటుంబ సభ్యులు కన్నీరు అవుతున్నారు.వ్యవసాయమే జీవనాధారంగా బతుకుతున్న కుటుంబానికి దిక్కు తెలియకుండా పోయిందని గ్రామస్తులు కన్నీరుమున్నీరవుతున్నారు. బాధిత కుటుంబానికి ప్రభుత్వం పరిహారం అందించి ఆదుకోవాలని స్థానికులు కోరుతున్నారు.

M. నరసింహ రెడ్డి, మేజర్ న్యూస్, ఫరూక్ నగర్…