చెల్లాపూర్‌లో రోడ్డుపై మురుగునీరు.. పట్టించుకోని అధికారులు
దౌల్తాబాద్, మేజర్ న్యూస్: మండలంలోని చెల్లాపూర్ గ్రామం 6వ వార్డులో రోడ్డుపై మురుగునీరు ప్రవహిస్తుండటంతో స్థానికులు తీవ్ర ఇబ్బందులు ఎదుర్కొంటున్నారు. సమస్యను పలుమార్లు నాయకులు, అధికారుల దృష్టికి తీసుకెళ్లినా పరిష్కారం చూపడం లేదని స్థానిక యువకుడు గుండిమల్ల మహేష్ ఆవేదన వ్యక్తం చేశారు.మురుగునీరు రోడ్డుపై నిలిచి దుర్వాసన వెదజల్లడంతో పాటు రాకపోకలకు ఇబ్బందులు ఏర్పడుతున్నాయని తెలిపారు. ముఖ్యంగా రాత్రి వేళల్లో ఇళ్లకు వెళ్లేందుకు తీవ్ర అవస్థలు పడాల్సి వస్తోందన్నారు. ముఖ్యమంత్రి నియోజకవర్గంలోనే ప్రజలు ఇలాంటి సమస్యలు ఎదుర్కొంటున్నా అధికారులు పట్టించుకోకపోవడం బాధాకరమని పేర్కొన్నారు.ఇప్పటికైనా సంబంధిత అధికారులు స్పందించి రోడ్డుపై ప్రవహిస్తున్న మురుగునీటి సమస్యకు శాశ్వత పరిష్కారం చూపాలని, ప్రజలకు ఇబ్బందులు లేకుండా చర్యలు తీసుకోవాలని మహేష్ కోరారు.
రిపోర్టర్: శ్యాంసుందర్, దౌల్తాబాద్, వికారాబాద్ జిల్లా.
