నరశింగోలులో ముమ్మర పారిశుధ్య పనులు

సూర్య, జరుగుమల్లి :ముఖ్యమంత్రి  నారా చంద్రబాబు నాయుడు  చేతుల మీదుగా శుక్రవారం జరగనున్న ప్రతిష్టాత్మక 'పట్టాదారు పాస్ పుస్తకాల పంపిణీ' కార్యక్రమ ప్రారంభోత్సవానికి జరుగుమల్లి మండలంలోని నరశింగోలు గ్రామ పంచాయతీ ముస్తాబవుతోంది.  గ్రామంలో  చేపట్టిన పారిశుధ్య పనులను  జిల్లా పంచాయతీ అధికారి  యం. అనుపమ గురువారం క్షేత్రస్థాయిలో పరిశీలించారు. ముఖ్యమంత్రి పర్యటన దృష్ట్యా గ్రామంలో పారిశుధ్య లోపం లేకుండా పకడ్బందీ చర్యలు చేపట్టినట్లు తెలిపారు. పరిసర మండలాల నుంచి దాదాపు 200 మంది పారిశుధ్య కార్మికులను మొహరించి, జేసీబీలు, ట్రాక్టర్ల సహాయంతో  రహదారులు, అంతర్గత వీధుల్లో పేరుకుపోయిన చెత్తదిబ్బలను తొలగిస్తున్నట్లు పేర్కొన్నారు.