తాడిపత్రి డీఎస్పీగా ఎం. చంద్రశేఖర్

సూర్య, తాడిపత్రి :తాడిపత్రి డీఎస్పీ,గా ఎం. చంద్రశేఖర్ గురువారం ఉదయం అధికారికంగా పదవీ బాధ్యతలు స్వీకరించారు. ఇటీవల వరకు అనంతపురం డీఎస్పీగా విధులు నిర్వహించిన ఆయనను ప్రభుత్వం తాడిపత్రి  డీఎస్పీగా బదిలీ చేసింది.

బాధ్యతలు స్వీకరించిన అనంతరం ఎం. చంద్రశేఖర్ మాట్లాడుతూ.. తాడిపత్రి  పరిధిలో శాంతిభద్రతల పరిరక్షణకు అత్యంత ప్రాధాన్యత ఇస్తానని తెలిపారు. అసాంఘిక కార్యకలాపాలపై కఠిన చర్యలు తీసుకుంటామని, నేరాల నియంత్రణకు ప్రత్యేక చర్యలు చేపడతామని స్పష్టం చేశారు. ప్రజలకు రక్షణ కల్పించడంతో పాటు వారి సమస్యలను సత్వరమే పరిష్కరించేలా పోలీసు యంత్రాంగం నిరంతరం అందుబాటులో ఉంటుందని తెలిపారు.