భారీ ట్రాఫిక్ ఆంక్షలతో రేపు ఢిల్లీకి పలు రైళ్లు రద్దు7

న్యూ ఢిల్లీ :ఢిల్లీలో ఊహించని భారీ ట్రాఫిక్ రద్దీ, భద్రతా ఆంక్షల దృష్ట్యా రైల్వే శాఖ కీలక నిర్ణయం తీసుకుంది. న్యూఢిల్లీ, హజ్రత్ నిజాముద్దీన్ ప్రధాన రైల్వే స్టేషన్లకు చేరుకునే పలు మెయిల్, ఎక్స్‌ప్రెస్ రైళ్ల సేవలను తాత్కాలికంగా రద్దు చేశారు. అక్టోబర్ 10న ఉదయం 4 గంటల నుండి మధ్యాహ్నం 2 గంటల వరకు ఈ ఆంక్షలు అమలులో ఉంటాయి. అందువల్ల, అక్టోబర్ 9న మధ్యాహ్నం 2 గంటల తర్వాత ఆయా ప్రాంతాల నుండి బయలుదేరాల్సిన కొన్ని మెయిల్, ఎక్స్‌ప్రెస్ రైళ్లను ప్రారంభ స్టేషన్లలోనే రద్దు చేసినట్లు అధికారులు వెల్లడించారు. ప్రయాణికులు తమ ప్రయాణ ప్రణాళికలను పరిశీలించుకుని, రైల్వే విచారణ కేంద్రాల ద్వారా తాజా సమాచారాన్ని తెలుసుకోవాలని సూచించారు.